●Mboengqneix，Denz- yangz Yen Yifung Cin Vei- swnghsoj、Veiswnghyen lienzhab haiguh aen hozdung cawjdaez senhconz “segih dungyenz caez fuengzai·cangqheiq Cungguek gou hengzdoengh”, doenggvaq venj fuk baengzhoengz、fat- cuengq swhliu、gejdap camcaz daengj lai cungj hingzsik, comz senhconz gij cihsiz fuengz bingh’aiswh hawj vunzlai, caenh’itbouh gyagiengz gij eiqsik vunzlai yawhfuengz bingh’aiswh, guhbaenz gij heiqfaenh noengznwd vunzvunz gvansim、vunzvunz caeuqfaenh senhconz fuengz bingh’aiswh.

(Vangz Gozsun)

●Mboengqneix, Sihlinz Yen Majbung Cin Yinzda daiq- daeuz heuhcomz Gvangjsih Yinznanz Gveicouh sam sengj gih yanghcin yinzdai henzgyawj lienzhab haiguh aen hozdung ngoenz senhconz fapguek. Ngoenzhaenx, vunzguhhong youq gai Majbung Cin baij daiz camcaz, fat senhconz swhliu hawj vunzlai, caemhcaiq gung- hawj faplwd bangcoengh, gejdap vunzlai camcaz, ndaej daengz gyoengq vunz haenh.

(Hoz Byauh)

●Vih haeujlaeg senhconz gij cingsaenz Cibgouj Gaiq Seiqcung Cienzhoih dangj, doicaenh gij hozdung saedhengz vwnzmingz seizdaih moq, ndwen 12 ngoenz 14, Lozcwngz Mulaujcuz Swciyen youq Gyauzsan Yangh haiguh aen hozdung bae mbanj senhconz yienjheiq “cinjcing vut gungz·lajmbanj saenqhwng” baujhoh swnjcienz feihvuzciz vwnzva yizcanj caeuq “dwk cawz bang- vunz simnduk”. Baez hozdung neix laebdaeb guh 5 ngoenz, faenbied bae daengz 10 aen yanghcin yienjheiq.

(Vuz Siuhyi)

●Ndwen 12 ngoenz 9 banhaemh, Laizbinh Si aen hozdung gangj gagnyienh fug- saeh “fwen haeuj lajmbanj” hozdung saedhengz vwnzmingz seizdaih moq bae daengz Vuj- senh. Hozdung cingj fwenvuengz Gvangjsih Goz Siulenz caeuq canghfwen maenhndei gak dieg daeuj caeuqfaenh, yungh fwen senhconz gij cingsaenz Cibgouj Gaiq Seiqcung Cienzhoih dangj caeuq vut gungz gunggeng miz- gven cwngcwz daengj.

(Danz Vwnzgwz)