Geiqniemh Baksaek Gijyi 90 hopbi Heiqcuengh 《Baksaek Gijyi》 ndwen 12 ngoenz 10 youq Baksaek Si yienjok, baenz cien bouxyawj youq mwh yawj gij heiq miz minzcuz yisuz daegsaek neix dauqcungz un gij lizsij gwzming, roxnyinh gij cingsaenz saek- hoengz.

Bi 1929 ndwen 12 ngoenz 11, Dwng Siujbingz daengj banlaux gwz- minggyah daiqlingx Baksaek Gijyi, cauhlaeb Hungzcizginh. Riengzlaeng, bi 1930 ndwen 2 ngoenz 1, youh daiqlingx fatdoengh Lungzcouh Gijyi, cauhlaeb Hungzbazginh. Baksaek Gij- yi、Lungzcouh Gijyi laebbaenz le dieggoek gwzming Cojgyangh You- gyangh.

Heiqcuengh 《Baksaek Gijyi》 yungh caepcawq、guh Baksaek Gijyi guh diuz cawjsienq, faen baenz ngamq daengz Namzningz、gyoengq vunz comz hoih、danqhaenh yinghlingz、deih Baksaek daengj bouhfaenh, dajcauh le gij yienghsiengq Dwng Siujbingz、Lij Mingzyui、Veiz Bazginz daengj haujlai cijcanyenz Baksaek Gijyi caeuq gij yienghsiengq Veiz daxbuz、Daeglungz、Dahva daengj beksingq Betgveiq, danqhaenh le gij cingsaenz vutmingh lumz dai gwzming senhlez.

Heiqcuengh dwg gij heiq daiqbiujsingq Gvangjsih ndawde cungj ndeu, daengz seizneix gaenq miz 200 lai bi lizsij, youq lai bi hwngfat doxdaeuj gyahaeuj le gij diuh fwen Bouxcuengh, baenz le gij minzcuz funggek moqsag、gyaeundei. Bi 2006, Heiqcuengh ndaej senjhaeuj buek daih’it guekgya gaep feihvuzciz vwnzva yizcanj baujhoh mingzloeg.

(Yang Ci’gyangz Giz Cinz)