Ndwen 12 ngoenz 5, Gvangjsih Lijyouz Hwngfat Cizdonz youq Sanhgyangh Dungcuz Swciyen Linzhih Cin Cwngzyangz Bazcai Gingjgih banh aen yizsi hainduj cingqsik haidou Cwngzyangz Bazcai Gingjgih daezswng hanghmoeg guhbaenz. Cwngzyangz Bazcai Gingjgih daezswng hanghmoeg dwg youz Gvangjsih Lijyouz Hwngfat Cizdonz guh gviveh bued cienz hwnjguh, baugvat hwnjguh moq aen dieg fugsaeh namz、baek、gyang caeuq daezswng gaijcauh dieg haedsim Cwngzyangz Bazcai Gingjgih, cungjsoq najdieg daih’iek 4.7 fanh bingzfuengmij, dajveh bued cienz 5.77 ik maenz, seizneix guhsat bued cienz 3 ik maenz, Cwngzyangz Bazcai Gingjgih comz daejniemh minzcuz vwnzva nyuenzmiz、lijyouz yawj gingjsaek、youqndwi gvaq ngoenzgyaj daengj goengnaengz youq itheij haenx yienghsiengq moqsag. Ngoenzhaenx，yienhciengz yinx ndaej haujlai bouxhek daeuj yawj gingjsaek guhcaemz.

(Vuz Lenyinh/吴练勋)