●Ndwen 12 ngoenz 5 dwg ngoenz bouxgagnyienh gozci aen daih 34. Vih fatyiengz gij cingsaenz gagnyienh fugsaeh, doidoengh gij hozdung gag- nyienh fugsaeh gvangqlangh haiguh, Gunghcwngz Yauzcuz Swciyen Suijligiz yungh aen seizgei “ngoenz bouxgagnyienh gozci 12·5”, cujciz 20 lai boux bouxgagnyienh fugsaeh suijli bae daengz Gyahvei Cin Swanh Cunh haiguh gij hozdung gag- nyienh fugsaeh baetsauq nyap- nyaj, ndaej daengz vunzlai dangdieg haenh.

(Vangz Yaujginh Lij Cujyi)

●Mboengqneix, Lozcwngz Mulaujcuz Swciyen Hawsingz Guenjleix Cizfazgiz bae daengz Daihngeih Siujyoz aen yienh neix, haiguh “singzguenj haeuj hagdangz, caez hwnq aen singz vwnzmingz”senhconz gyauyuz hozdung, doenggvaq hozdung, hawj hagseng caeuq bohranz lai roxyiuj gij youqgaenj hawsingz guenjleix, mizleih doidoengh cauhlaeb aen vunqsik hawsingz guenjleix“ndawbiengz hag- dangz ranz” sam vih it daej.

(Liuz Livah)

●Ndwen 12 ngoenz 4, Dunghlanz Yen Swhfazgiz、Yinzminz Fazyen daengj miz- gven danhvei lienzhab youq vwnzva cungsim gvangjcangz banh aen hozdung ngoenz fap- guek guekgya caeuq ngoenz senhconz fazci. Hozdung doenggvaq venj fukbaengz- hoengz laeb daiz camcaz、fat cek saw senhconz fapguek daengj fuengsik, cienz gij yiyi caeuq cozyung youqgaenj fapguek guek raeuz hawj vunzlai, senh- conz aen sevei cujyi faplwd dijhi aeu fapguek guh haedsim haenx, vih fatyiengz gij cing- saenz fapguek cauh’ok heiq- faenh ndei.

(Veiz Yijyungz)

●Geij bi neix daeuj, Dasinh Yen aeu hwngfat canj- nieb dangguh gij neiyungz youqgaenj hawj vunzlai diegbya laebdaeb laisou mbouj dauq gungz caeuq lajmbanj saenq- hwng. Gujli vunzlai lajmbanj doenggvaq gij vunqsik“gungh- swh+dieggoek+nungzhoh”, yungh ndoibya caeuq diegfwz haifat ndaem 1000 lai moux makbakhom, bineix sou ndaej lai dangqmaz, gujsuenq moix ranz bingzyaenz bi laisou 1.2 fanh maenz doxhwnj.

(Vangz Dwzminz)