Bi 1921,

Ndit rongh ciuq biengz angj,

Laebbaenz Gungcanjdangj,

Vunz sim’angq dangqmaz.

Doifan sam goengq bya,

Dwkbaih Fazsihswh,

Lauxciengj ngaih gimq swj,

Yaxywh Daizvanh deuz.

1949 nienz,

Cienz biengz cungj vuenheij,

Ndaej fanndang ngoenzneix,

Diendeih hai vahoengz.

Daengz gaijgwz hailangh,

Raeuz ndangrengz demfouq,

Guh daegsaek souhaeuj,

Ngoenz daeuj ngoenz ronghsien.

Caez byaij diuz loh moq,

Hohhoh hwnj ranzlaeuz,

Ranzranz ndaej fungsou,

Cou beij cou lai lengj.

Hangzgungh mujgen byaij,

Gwnz haij saj goengfou,

Gyang mbwn feihgih youz,

Louz maenh’ak funghgingj.

Gohgi gig fatdad,

Vunz caez rad hwnj mbwn,

Cauhfuk raeuz lwgminz,

Cincou youq diegraeuj.

Siz Ginbingz cujsiz,

Mbouj liz diuz loh dangj,

Cunghyangh daengz lajmbanj,

Banh saeh ndaej goengbingz.

Cibgouj daihhoih ndei,

Seizseiz va hoengzmoq,

Dangj lingjdauj daiqloh,

Yienghyiengh bienq gyaeundei.

Cawz bae boux hakdam,

Cam byawz cungj vuenheij,

Gvaq bingzan saedceij,

Hwnjgeiq guh fuzbingz.

Raeuz gvaq ndaej simlangh,

Cienz baengh dangj raeuz ndei,

Bouxboux sim dwggyaez,

Iet raez lwg fwngzmeh.