●Mboengqneix，Denh- ngoz Yen Daihngeih Siujyoz banh ciet yisuz vwnzva dij- yuz, aen ciet neix cawjdaez dwg “seizcou lai yiengh、ndawhag yinxdaeuz”. Baez hozdung neix neiyungz fung- fouq lai yiengh, miz daengx- cungq diuqfoux、bouxvunz yienj dungxcaiz、dijyuz doxdax、yienjheiq daengj neiyungz, doenggvaq guh hozdung, hawj gyoengq lauxsae hagseng lai rox yisuz, gyagiengz ndangcangq, cienzmienh doicaenh suciz gyauyuz.

(Veiz Lenzmingz)

●Ndwen 11 ngoenz 21, Yungzsuij Myauzcuz Swciyen banh aen ban son’gyauq swnjcienz vwnzva Myauzcuz, cingj Lij Yihyenz bouxswnj- cienz swcigih gaep gij siuq Myauzcuz daeuj son bouxhag. Mwh son’gyauq, Lij Yihyenz caeuq hagseng youq doiqnaj doxgyau, daj fapsiuq、veh doz、guh daengj gak fueng- mienh gejgangj ciengzsaeq, gikfat gij yinxdaeuz bouxhag hag dajsiuq.

(Cinz Dingzyuz)

●Ndwen 11 ngoenz 23 banhaemh, Bahmaj Yauzcuz Swciyen Gohyoz Gisuz Hez- vei lienzhab boux ciennieb gisuz aen camh ciengx nonsei ndaw yienh bae daengz Yendung Cin Hoz- dungz Cunh guh aen gyangjcoz lwnh gij cihsiz ndaem gonengznuengx ciengx nonsei, gangj gij cihsiz ndaem gonengznuengx ciengx nonsei hawj ca mbouj geijlai 100 boux ciengx nonsei haenx, bangrengz vut gungz gunggeng, ndaej daengz gyoengq vunz ciengx nonsei haenh.

(Liengz Sauwnh)

●Ndwen 11 ngoenz 24 banhaemh, aen hozdung bae lajmbanj cunz yienjheiq gij gojgaeq Gvangjsih daudwz mozfan “gou caeuq guekcoj gou” youz Swcigih Dangjveij Senhconzbu、Swcigih Vwnz- mingzban cawjbanh haenx bae daengz Yizcouh, doeng- gvaq Heiqgvei、vaiqbanj、 siujbinj daengj cezmuz, danqhaenh gij vunzndei henz ndang, cienzndenq gij rengz daudwz.

(Lanz Yungj)