Ndwen 11 ngoenz 28, Swcigih Minzcunghveij youq 《Gvangjsih Yiz- bau》 fatbouh 288 diuz sawloih gveih- fan Sawcuengh bi 2019 (loih faplwd).

Hwnjguh gveihfanva、byauhcunj- va、saenqsikvaq saw vah minzcuz vunznoix dwg gij neiyungz youqgaenj hong saw vah minzcuz yendaiva, hwnjguh “sam va” saw vah minzcuz Gvangjsih cujyau dwg Sawcuengh Vahcuengh guhdaeuz. Geij bi neix daeuj, Swcigih Minzcunghveij caeuq nyuenz Swcigih Minzyijveij vih guh ndei hong soucomz、fanhoiz、saemj- dingh sawloih moq Vahcuengh guh le haujlai hong. Bi 2017, cujciz lauxhangz bouxmaeq Sawcuengh Vahcuengh、bouxguhhong itsienq caeuq bouxgyaez Sawcuengh Vahcuengh cosaemj 20000 lai diuz sawloih moq Vahcuengh geij bi neix daeuj ciengzyungh haenx, caemhcaiq hai aen hoih lauxhangz saemjdingh, buek daih’it sawloih gveihfan Sawcuengh 1358 diuz laux- hangz saemjdingh doenggvaq haenx fatbouh youq 《Gvangjsih Yizbau》《Gvangjsih Minzcuz Bau》、 nyuenz Swcigih Minzyijveij vangjcan caemh- caiq doigawj doigvangq yungh, neiyungz nangqdaengz cwngci、gingh- ci、ndawbiengz、vwnzva daengj gak dieg. Bi 2018, laebdaeb cujciz saemj- dingh fatbouh buek daihngeih sawloih gveihfan Sawcuengh 220 diuz caemh- caiq doigawj doigvangq yungh. Bi 2019 caiq cujciz saemjdingh fatbouh buek daihsam sawloih gveihfan Sawcuengh 288 diuz caemhcaiq doigawj doigvangq yungh, cugyamq guhbaenz le aen gihci fatbouh saemjdingh sawloih moq Sawcuengh Vahcuengh moix bi baez ndeu, vih Sawcuengh caenh’itbouh doihengz yungh dwkroengz giekdaej maenhsaed, hix vih ndawbiengz gak hangz gak nieb gveihfan yungh Saw- cuengh gunghawj fuengbienh.

(Cangh Haijyingh Vangz Yacangh)