Ndwen 11 ngoenz 22 banhaemh, aen yizsi roengzmuq Ciet Lijyouz Vwnzva Liuz Sanhcej Gaiq Daihcib Yizcouh Gvangjsih caeuq “Yizcouh gyaeu” gyauhyangj yinhyozvei youq Yizcouh Gih Gveigiyen banh, Ciet Lijyouz Vwnzva Liuz Sanhcej Gaiq Daihcib Yizcouh Gvangjsih guh ndwen ndeu neix daengz neix guhsat lo.

Yinhyozvei cingj Gvangjsih Gyauhyangj Yozdonz daeuj yienj ciengz heiq yisuz ndeiyawj ndeu hawj Yizcouh gak cuz vunzlai, caez roxnyinh gij ronghsag Cungguek moq laebbaenz 70 hopbi. 《Haenh Geiznding》《Fwensien·Liuz Sanhcej》《Gou Caeuq Guekcoj Gou》 daengj cezmuz, hawj yienhciengz bouxyawj yawj ndaej yinx dangqmaz, doengzseiz danqhaenh gij vwnzva neix miznaj lai.

Ciuq cam rox, aen ciet neix muzdiz dwg “yungh fwen cienz cingz、yungh ciet gyau youx、yungh lijyouz coi seng’eiq”, gangj ndei gij gojgaeq Yizcouh, langhbaij gij goekdaej vwnzva naekna Yizcouh song cien lai bi neix.

(Cinz Fanghswh Lanz Yungj/覃芳思 蓝 勇)