Ndwen 11 ngoenz 19, Liujcouh Si Yungzanh Yen mehmbwk “song hag song beij” makgaemjgaet doxbeij caeuq aen hoih byaujcangh Yungzgangh Segih hwnjguh cingsaenz vwnzmingz youq gyaranz laujyangh ganghsinh yizminz siujgih banh, 37 ranz mehmbwk senj daeuj youq Yungzgangh Segih haenx camgya makgaemjgaet doxbeij. Hoz- dung muzdiz dwg “yungh beij hwng canjnieb、yungh beij cienz dinfwngz、yungh beij gyau baengzyoux、yungh beij hawj baenz miz”, bangrengz vunzlai gungzhoj laisou vut gungz.

Geij bi neix daeuj, Yungzanh Yen yungh gij fuengsik “yungh ciengj lawh bouj” bang vunzlai gungzhoj ndaem makgaemjgaet, dajcauh “makgaemjgaet Yungzanh” guekgya deihleix geiqhauh canjbinj binjbaiz, doi- doengh guh hung gij canjnieb makgaemjgaet Yungzanh, gyalai vunz ndaem mak souhaeuj. Daengz seizneix, Yungzanh Yen gungh miz 23853 ranz vunzguhnaz ndaem makgaemj- gaet, ndawde ranzgungzhoj laeb dangjanq laeb gaj 8820 ranz, ndaem 35123 moux, ciemq 44.1% ranzgungzhoj laeb dangjanq laeb gaj. Doenggvaq ndaem makgaemjgaet daiqdoengh saedyienh 2.8 fanh lai vunz gungzhoj vut gungz, daiqdoengh 5 fanh vunzbaez doxhwnj couhnieb cauhnieb.

(Cinz Ginghoz/覃庆和)