●Ndwen 11 ngoenz 23, Cingsih Si Vadung Cin Sanh- youj Cunh Mbanjgwngjcuz banh aen hozdung ciet vwnzva dijyuz, gyoengq vunzmbanj henzgyawj caeuq bouxhek camgya eu fwen、dwk lanz- giuz、bengcag、fouxgvangj- cangz daengj gij hozdung vwnzva dijyuz lai cungj lai yiengh haenx.

(Vangz Anhcungh)

●Luzcai Yen youq mwh haiguh hong banggungz gung- geng, gaenxmaenx damqra “ranzgungzhoj+” canjnieb vunqsik, guh hung guh ak dajndaem、ndoengfaex、daj- ciengx daengj conzdungj canjnieb, bang vunzlai gungz- hoj saedyienh vut gungz. Ciuq gyoepsuenq, seizneix Luzcai Yen gungh guh baenz dieg guhyiengh nungzyez miz daegsaek daihneix caeuq dieg guhyiengh cunh gaep daengz 91 aen, ranzgungzhoj guh canjnieb miz daegsaek vut gungz cwgoemq cingzsoq daengz 89%.

(Vangz Yaubangh)

●Geij bi neix daeuj, Denhngoz Yen aeu ndaem mak miz daegsaek dangguh diuzroen youqgaenj hawj nungzyez demyauq、vunz- guhnaz laisou, laebdin gijndei bonjdieg swhyenz, haenqrengz ndaem makmaenj cinhcuh、makbakhom、makbug ndaw nding daengj mak miz daeg- saek, doidoengh dajndaem mak miz daegsaek gveih- mozva、byauhcunjva. Daengz seizneix, aen yienh neix dajndaem mak miz daegsaek najdieg daengz 18.1 fanh moux.

(Denz Siyenj)

●Daj ndwen 5 doxdaeuj, Dunghlanz Yen yinxhaeuj Gvangjsih Lizdwngz Nungz- muz Hwngfat Mizhanh Gunghswh, damqra “gungh- swh+nungzhoh+dieggoek” guenjguh vunqsik, baengh ngaenzcienz haeujguj、bang guenj bang ciengx daengj fuengsik, daiqdoengh ranz- gungzhoj laeb dangjanq laeb gaj haenx ciengx gaeq- ndokndaem. Seizneix, seiz- neix, gyoebsuenq ciengx gaeqlwg 252.36 fanh duz, hawj gaeqlwg 420 ciengzbaez, baenz gai 74.45 fanh duz.

(Cinz Gau)