Mwngz ndaej nyi lwi? Boh ha, mwngz dingq vei!

Duzroeg gwnz bya cungj heuh coh gou bw.

Gyoengq roeg de iu gou bae gwnz bya guhcaemz bw.

Ndokva gyanghaet bya’ndoi, riu ndaej ceiq van, riu ndaej ceiq gyaeu;

Gyanghaet bya’ndoi, gizgiz cungj miz raemxraiz

ndongqndikndik;

Nditndat gyanghaet bya’ndoi, guhlumj raemx- mboq swiq gvaq nei seuqsaw ronghsag;

Gyanghaet bya’ndoi, gyaeu gvaq loqfangzhwnz haemhlwenz.

Gyoengq roeg iu gou bae gwnz bya guhcaemz bw.

Duzroeg gwnz bya cungj heuh coh gou bw.

Mwngz ndaej nyi lwi? Boh ha, mwngz dingq vei!

（Daj《Bonjsei Sim Lwgnyez》（Veiz Gizlinz raiz）senj okdaeuj, Lwgfwngzmeh/卢奋长 hoiz）