●Mboengqneix， Sw- cigih Segohlenz、Denzyangz Yen Gungh’anhgiz laebdin vih lwgminz guh saehsaed, bae daengz Denzyangz Yen Nazboh Cin Lungcuh Cunh guh hozdung “vut gungz gunggeng soengq vafeiz”, yungh saedsaeh hengz- doengh hengzguh aensim goeknduj rap sawjmingh. Ciuq cam rox, hozdung ngoenzhaenx gungh soengq vafeiz、ywgajnon daengj doxgaiq 8.5 dun dij 6.5 fanh maenz bae hawj 36 ranz ranzgungzhoj aen cunh neix.

(Couh Yang)

●Ndwen 11 ngoenz 12, aen hoih son’gyauq gejnaeuz gyaez guek cujyi gyauyuz youz Nanzdanh Yenveij Senhconzbu、Yen Gyauyuzgiz daengj bouh- monz lienzhab banh haenx youq Vujai Cin Nazdi Siuj- yoz banh. Hozdung doeng- gvaq gangj gij gojgaeq saekhoengz、ciengq go gwz- ming, caenh’itbouh fung- fouq gij ndwenngoenz vwnz- va ndawhag, gikfat gij cingz gyaez guek cujyi gyoengq hagseng, cauh’ok gij heiq- faenh vwnzva saekhoengz ndei.

(Mauz Hijcing)

●Geij bi neix daeuj, Baksaek Si Yougyangh Gih Swdangz Cin Semaj Cunh yungh lai diuz roenloh, ciuq ranz yungh banhfap, coi- caenh ranzgungzhoj laisou.giengzvaq canjnieb bouj- ciengj, gujli hwngfat daj- ciengx, yungh ciengj, guj- li ranzgungzhoj dajndaem makgaivaiz、oij、haeuxnaz caeuq dajciengx mou、gaeq、bit、bya daengj, bauj- maenh miz souhaeuj onj- dingh.

(Veiz Ginjgvangj)

●Geij bi neix daeuj, Vanzgyangh Mauznanzcuz Swciyen haenqrengz hwng- fat dajndaem makbug ndaw nding, daengx yienh mak- bug ndaw nding dajndaem najdieg daengz 6.8 fanh moux, nangqdaengz ranz- gungzhoj 5520 ranz 19980 vunz, baenz gij cujdauj canjnieb、lajmbanj ginghci canjnieb youqgaenj vut gungz gunggeng aen yienh neix.

(Veiz Yui)