●Ndwen 10 ngoenz 26, Liujcouh Si Liujbwz Gih Cangzdangz Cin Sihliuz Cunh Mbanj- lungzdangz cingj aen doih aenvenz Yungzsuij Ganj- dung Yangh Mbanjyauz- gau Mbanjmyauz bae daengz ndaw mbanj “guh doengznienz”, doenggvaq caij din venz、beng gyong、cimz gijgwn ndei Lungz- dangz daengj hozdung gyalai gij cingzngeih minzcuz doxgiet.

(Cinz Yiz)

●Denzlinz Yen haenqrengz doicaenh aen gunghcwngz vwnzva leih lwgminz, hawj gij ndwen- ngoenz seizhoengq vunz- lai ndaej bienq lai. Bineix doxdaeuj, aen yienh hwnjguh le 115 aen hanghmoeg vwnzdij sez- sih, cujciz haiguh gij vwnzdij hozdung lai cungj lai yiengh.

(Siz Swnghfuj)

●Ndwen 10 ngoenz 26, Gunghcwngz Yauzcuz Swciyen banh ciet mak- ndae Gveilinz Gungh- cwngz gaiq daihcibroek. “yungh ciet guh moiz, lai gyau baengzyoux, vwnzva dapdaiz, ginghci ciengq heiq”, Gunghcwngz doenggvaq ciet makndae yienj、langhbaij gij minzsuz vwnzva Yauzcuz lai yiengh, bangdoi gai doxgaiq reihnaz ndei bonjdieg, gyalai vunz- guhnaz souhaeuj.

(Lij Mouyangh)

●Mboengqneix, Binhyangz Yen Gujlaz Cin Aen Gingjgih Rang Haeuxnaz banh langhbaij feihyiz hanghmoeg、biuj- yienj minzsuz vwnzyi daengj hozdung, yinx ndaej baenz fanh boux- hek daeuj yawjngonz. Youq ndaw gingjgih bouxhek mboujdan ndaej yawj yienjheiq, haeuj- gyawj yawj guh liengj- ceijyouz、 gang’vax, lij ndaej daejniemh haizgieg raez、dwkdomq daengj hanghmoeg gig miz minz- suz daegsaek haenx.

(Goz Saudungh)