Lwgnyez bet goujcib nienzdaih

Doxgaiq guh’angq miz haujlai

Caezgya guh’angq angq yaek dai

Lwgsai lwgmbwk cungj miz faenh

Lwgsai daenj vaqbengh dwkcik

Hanh ndik hanh lae cungj yinxdaeuz

Angq bae angq ma lumz gwn caeuz

Ndaej raen ngumhngaeuz cij fug byaij

Dwkcik mbwq caiq guh caenqboet

Ok roet cungj mbouj miz baenz naeng

Lwgnyezdaeuz geij laeq riengz laeng

Byaij daengz gyawz cungj angq dahraix

Lwgmbwk lohdin daeuj dwkcij

Miz maz beij gijneix ndei caemz

Fwngz unq da vaiq angq ndaej nanz

Bajfwngz fan bae dauq aeu haeh

Raen vunz vut aen domq guh’angq

Dou youh angq buet bae camgya

Deng domq vut dawz gwnz cikga

Vunz heuh ok ma cix dajlaih

Gingjgengxdiet、dwkbaek、dwkrangq

Guh’angq lwgnyez ndaej cienz roengz

Lwglwg lanlan cungj haenh ndei

Bouxboux cungj gyaez biengz Mbanjcuengh