Guek geq raeuz Cunghvaz

Veijda youh gvanghyungz

Lumj daengngoenz baihdoeng

Hoengzdwgdwg iengjda

Miz le gungcanjdangj

Fanndang bienq fouqgiengz

Laebbaenz 70 nienz

Gaijbienq gangj mbouj caenh

Lajmbanj vuenh yiengh moq

Aen singz doq fazcanj

Gunghcangj hwnj cien fanh

Laeuz hwnq sang baenz ndoeng

Gaijgwz hailangh ndei

Vunzcaiz beij mboq dengj

Fuzbinz caez roengzrengz

Gizgiz ceng guh ndei

Veisingh venj hwnj mbwn

Haijginh souj Nanzhaij

Gauhdez hai ndaej vaiq

Seiqgyaiq cungj boiqfug

Guh ndei raeuz yozsiz

Mbouj miz raeuz bangcoh

Yinx it rangh it loh

Miz leih doh seiqgyaiq

Guekcoj lumj suenva

Dujva seiqgeiq langh

Raeuz dwg va mauxdan

Baengh namh biz hai va

Guekcoj lumj bya sang

Cwdangj raq fwn rumz

Raeuz dwg faex ndaw rungh

Majhung mbouj aeu you

Guekcoj lumj dah raez

Daj gwnz lae daengz laj

Raeuz dwg bya ndaw dah

Baengh raemxdah ciengx hung

Guekcoj lumj bohmeh

Ciengx lwgnyez baenzgyoengq

Gak minzcuz beixnuengx

Cungj lwglan Cunghvaz

Guekcoj dwg suenva

Ndaem va baengh caezgya

Gak minzcuz it gya

Vih guekgya bienq ak

Gofaex maj ndaw lueg

Miz guek cij miz gya

Gaen dangj buet baenaj

Cunghvaz hoengh fanh daih