●Geij bi neix daeuj, Denhngoz Yen dawz hwngfat fwngz guh dajsiuq dangguh diuzroen youqgaenj hawj meh- mbwk lajmbanj laisou baenz miz, gaenxmaenx haiguh son dinfwngz dajsiuq daengj, hawj gyoengq mehmbwk lajmbanj hag caeuq cauhguh gij dajsiuq、baengzdoj、buhvaq daengj doxgaiq fwngz guh miz minzcuz daegsaek haenx, hawj minzcuz vwnzva ndaej swnj- cienz doengzseiz, daiqdoengh mehmbwk lajmbanj youq bakdou ranz couhnieb、 cauh- nieb.

(Denz Siyenj)

●Ndwen 9 ngoenz 16 banhaemh, Bahmaj Yauzcuz Swciyen daihcib’it ciengz cunzdauq yienjok ciendaez banggungz “dwkhingz vut gungz gunggeng·bangrengz saenqhwng lajmbanj” bae daengz mbanjgungzhoj Sihsanh Yangh Lunglez Cunh yienj, yienjok yungh diuqfoux、go、siujbinj daengj hingzsik vunzlai haengj dingq gyaez yawj haenx, fanjyingj le guh hong vut gungz gunggeng doxdaeuj gij ndwenngoenz、yienghsiengq cingsaenz vunzlai daengj bienqvaq hungloet.

(Veiz Gizfangh)

●Ndwen 9 ngoenz 21 dwg ngoenz daengx beksingq guekfuengz gyauyuz aen daih- cibgouj, Denzyangz Yen youq yen Baeuqroxdoh Vwnzva Gvangjcangz baij senhconz banjbau caeuq cujciz cungh siuj hagseng bae yinzminz vujcanghbu、dieggoek gungh- ginh capyouq guh guekfuengz gyauyuz hozdung daengj lai cungj hingzsik, haenqrengz cienzdoh ngoenz guekfuengz gyauyuz、guekfuengz daihneix caeuq guekgya ancienz daengj mizgven cihsiz, cauh’ok gij heiqfaenh naekna daengx biengz “gvansim guekfuengz、gyaez guekfuengz、haeujcoengh guekfuengz、hwnjguh guek- fuengz”.

(Vangz Gozsun)