Bonjbauq siusik(Cau Dwzfeih Liengz Cingz) Cwngcouh Yungjhozbwz- gyoz Gozci Ciujden aen dingh gwn haenx daeng nding daeng loeg、nauhyied dangqmaz, aen vanjvei bet nyied cibngux lienzhaeh cingzngeih Gvangjsih Dai- byaujdonz、Cwngcouh Cwngdungh Sinhgih youq neix banh. Ndwen 9 ngoenz 13 banhaemh, doengh boux lingjdauj Cwngdungh Sinhgih Gvanjveijvei aen danhvei doiq dakdaih gaiq yindungvei neix、Yungjhozbwzgyoz Gozci Ciujden bouxguhhong caeuq Gvangjsih Daibyauj- donz 400 lai vunz doxcomz giz ndeu, caez angqyangz gvaq ciet bet nyied cibngux.

Doenghgij hozdung caezangq Cwngdungh Sinhgih caeuq Gvangjsih Daibyaujdonz roengzsim caepcawq neix doxlwnz hwnj daiz yienj, langhbaij gij yinxdaeuz vwnzva doxgap. 《Fouxdoengh Cunghyenz》、 heiq Hoznanz 《Ram Giuhva》、 denyingj 《Saulinzsw》 diuzgo cawjdaez —— 《Go Langh Yiengz》 daengj cezmuz biujyienj hawj Gvangjsih Daibyaujdonz roxnyinh daengz le Hoznanz Cunghyenz vwnzva laegna, 《Fwenlaeuj Bouxcuengh》、danz ciengq dingzdingj《Cuengq Vadaeng》 daengj cezmuz biujyienj hawj gyoengq beixnuengx Hoznanz daejniemh daengz Gvangjsih siujsoq minzcuz fungcingz lai cungj lai yiengh.

Vanjvei satbyai, daengx ciengz vunz vad mbaw geiznding ndaw fwngz, caez ciengq 《Gou Caeuq Guekcoj Gou》, daengz neix vanjvei sat lo.