●Cungguek-Dunghmungz (Namzningz) couhcitheiq 9 nyied 12~18 hauh youq Namz- ningz banh. 19 aen heiqduenz maenhndei daj Cungguek、Vwnzlaiz、Genjbujcai daengj 9 aen guekgya daeuj haenx gonqlaeng yienj le 23 ciengz heiq, 15~18 hauh lij youq Namzningz Si Bozvuzgvanj banh le Cungguek-Dunghmungz cit- heiq nem feihvuzciz vwnzva yizcanj baijok nem baijyienj hozdung dem.

(Veiz Yingjcinh)

●9 nyied 15 hauh, ciengz hoihhaemh cienciengz doxgyau vwnzva Cungguek、Hozlanz youz song guek bouxyienj doxgap yienj haenx youq gwnz daizheiq Namzningz Minzgohhuz yienj, raghai le mbawmuq baenzdauq vunzlai vwnzva hozdung Namz- ningz Si angqhoh Cungguek moq laebbaenz 70 hopbi nem “daizfwen singz heu” 2019 Namzningz Gozci Minzgoh Yisuzcez. Ciuq cam rox, ciet guekgingq gaxgonq yaek miz baenz 20 baez yienjok hozdung laebdaeb youq Namzningz banh.

(Yiz Sienghcenz)

●9 nyied 11 hauh, mwh ciet bet nyied cibngux yaek daengz seiz, Hocouh Si Minz- cunghveij、fuzgyau hezvei、gihduh gyaudangzdiemj bae Bingzgvei Gih Swhdungh Cunh Lungzbingz guh camnai hoz- dung, soengq gij hohfuk ngoenzciet caeuq doxgaiq dij ngaenz 2 fanh lai maenz haenx hawj dangdieg 37 ranz ranz- gungzhoj Yauzdoj; doengzseiz lij yienhciengz gien ngaenz 6000 lai maenz hawj gij vunzlai gungzhoj Yauzdoj wnq, hawj gyoengqde ndaej gvaq aen ciet angqyangz ndeu.

(Cau Ginhbinh)

●9 nyied 13 hauh ban- haemh, guekgya 4A gaep lijyouz gingjgih Denzyangz Yen Denz- couh Singzgeq banh le bet nyied cibngux hoihdaengduenz, yinx gyoengq saimbwk lauxnyaeq cingq youq ndaw singzgeq yawj ronghndwen guh’angq haenx comz caenx dwk caeuqfaenh haeujbae, doxyaeng doxlwnh duenzdaej, yienhciengz nauh- yied hoenghhwd.

(Vangz Gozsun Vangz Li)