Yungzsuij Myauzcuz Swciyen liuqcinj gij hong “Cunghvaz minzcuz ranz vunz ndeu, caezsim caemh guh loqsiengj Cungguek”, hopheux “aen cungsim ndeu” giengzvaq “sam hangh cosih”, saedbauj gij gietdingh anbaiz hong cauxlaeb minzcuz doxgiet cinbu swcigih caeuq Liujcouh Si ndaej guh daengz giz saed、vunzlai ndaej leih- ik、comz rengz gapguh, youq Yungz- suij guhbaenz cungj gvaenghheiq ndei doengzcaez yawjnaek、haeujcoengh caeuq caeuqfaenh hong cauxlaeb ndeu.

Yungzsuij youq ndaw hozdung cauxlaeb minzcuz doxgiet cinbu, cawjdoengh ceng’aeu cwngcwz caux- laeb caeuq cienzngaenz cauxlaeb, gyagiengz caeuq mizgven ciknaengz bouhmonz boiqhab ndei, dawz hong cauxlaeb caeuq gij hong yanghcin bonjfaenh、bouhmonz bonjfaenh giet- hab ndaetfwd, doidoengh hong cauxlaeb swnhleix haiguh.

Yungzsuij daj guh hong cauxlaeb gvaqdaeuj, yungh ndei gak cungj hongdawz senhconz, bae minzcuz yanghcin、cunhmbanj caeuq gihgvanh、hagdangz guh senhconz hozdung 50 lai ciengz baez, laeb lanz senhconz diegdingh 26 aen, venj byauhyij senhconz diegdingh 90 lai diuz, fat ok senhconz swhliu 2 fanh lai faenh, caeuqfaenh vunzlai 6 fanh lai vunz baez, ciepsouh vunzlai cazcam 19 loih 230 lai diuz, caux ok cungj gvaenghheiq ndei gak minzcuz doxgiet huzndei ndeu.

Yungzsuij gonqlaeng youq Gunj- bei Dungcuz Yangh、Swyungz Yangh daengj yanghcin guh hong cauxlaeb guhyiengh minzcuz doxgiet cinbu, haenqrengz senj laeb senhcin guh- yiengh denjhingz, gonqlaeng cauxlaeb swcigih gaep minzcuz doxgiet cinbu guhyiengh danhvei 1 aen、Liujcouh Si gaep guhyiengh danhvei 8 aen caeuq yienh gaep guhyiengh diemj 20 aen, ndaej engq demgiengz minzcuz caeuq minzcuz doxgiet doxbang、doxgyau doxhab.

Yungzsuij gaenxmaenx guh ndei hong baujhoh cingjleix cimhra vwnz- va cienzdoengj ndawbiengz minzcuz, soucomz cingjleix biensij oksaw le 《Yungzsuij Minzcuz Fungcingz》《Yungzsuij Minzcuz Sibsug Comzbien》《Yungzsuij Bak Ciet》 daengj saw. Doengzseiz gyarengz guh “song vah” son’gyauq, gonqlaeng son’gyauq vahcoj minzcuz vunznoix caeuq Vahgun 4 geiz gungh 800 lai vunz baez; giethab saedcaeq son’gyauq minzcuz vunznoix seujsiuq、dajdoq、lijyouz、dajcawj daengj 5 geiz 300 lai vunzbaez; moix bi ndwencieng banh Myauzcuz “ciet hoihbo” 20 lai ciengz baez, ndaej engq ndei swnjcienz caeuq baujhoh vwnzva cienzdoengj minzcuz.

（Cinz Cunghdwz Veiz Yungz- cinh/陈忠德 韦荣春）