Ndwen 8 ngoenz 20, Yungzsuij Myauzcuz Swciyen Vaizbauj Cin Mbanjdunghsuij Mbanjmyauz banh aen yizsi fat “ngaenzciengjhag”. Gijgenj genhcaz ganbu capyouq mbanj aeu gij ngaenz couz ndaej haenx, fat ngaenz- ciengjhag 2.1 fanh maenz hawj 46 boux lwgnyez Myauzcuz bineix gauj hwnj daihhag、cunghag caeuq bingz baenz “hagseng sam ndei”“hagseng ganbu maenhndei” haenx.

Ciuq cam rox, bi 2016 ndwen 10, Liujcouh Si Gijveij senj baij suhgi daih’it daengz aen yienh neix Vaizbauj Cin Mbanjdunghsuij Mbanjmyauz, suhgi daih’it yungh “ceih gungz ceih ngawz gonq, banggungz bang caiz gonq” guh leixniemh, cauhlaeb le “ngaenzgoek ciengj doegsaw”. Seizneix, Mbanj- dunghsuij Mbanjmyauz gonqlaeng couz ndaej ngaenzgoek ciengj doegsaw 31 fanh maenz, fat ngaenzciengj hawj 426 boux hagseng maenhndei 6 buek 13.99 fanh maenz, doenghgij hagseng neix dwg vunz Mbanjdunghsuij Mbanjmyauz gauj hwnj daihhag cungdiemj、cunghag. Gij saeh neix bangrengz cinjcing vut gungz,guhbaenz gij heiqfaenh hagseng naekgywd beij、hag、gyaep、mauh.

(Lungz Linzci/龙林智)