Vih engq ndei guhsat hong soucomz gij swhliu vahgangj 《Sawcomz Deihdoz Vah Guengjsae》 nangqdaengz Liujcouh Si Liujbwz Gih, gohyoz baujhoh caeuq hwngfat vah minzcuz vunznoix, doidoengh gak minzcuz vwnzva doengzcaez hoenghvuengh, Liujbwz Gih daj bineix ndwen 6 hainduj, giethab swnjcienz vwnzva minzcuz vwnznoix、senhconz minzcuz cwngcwz、cauhlaeb minzcuz doxgiet cinbu, youq dieg guenjleix haiguh hong soucomz gij swhliu vahgangj.

Giethab swnjcienz vwnzva minz- cuz vunznoix. Liujbwz Gih baez neix soucomz Vahcuengh caeuq vahdeih- fueng Vahgun (Vahgveiliuj、Vahmax- gai、Vahdujgvaij daengj) song loh vah. Moix loh vah cungj senj boux sugrox gangj vah dangdieg, ciuq gij caizliuh saw loegyaem gvidingh haenx yungh vah minzcuz gangj loegyaem, dienz 《Mbawgienj Cam Diucaz Gij Cingz- gvang Vah Guengjsae》, caemhcaiq loegyaem vahdeihfueng Vahgun、vah minzcuz vunznoix. Soucomz miz goj- gaeq、vahyaem、doz daengj, hawj aen cang swhyenz saw vah minzcuz vunznoix ndaej gyalai, vih swnjcienz vwnzva vah minzcuz vunznoix dwk roengz giekdaej.

Giethab senhconz minzcuz cwng- cwz. Youq mwh《Aen Diuzlaeh Hong Saw Vah Minzcuz Vunznoix Gvangjsih Bouxcuengh Swcigih》(baihlaj heuhguh 《Diuzlaeh》) fatbouh ndaej hopbi , vunz guhhong gak cin youq mwh soucomz vahgangj doengzseiz, fucwz genjcaz gaiqbaiz、aenyaenq、baizgeiqhauh daengj gak mbanj yungh Cuengh Gun song cungj saw raiz deng mbouj deng. Caemhcaiq senhconz gij yiyi vah minzcuz vunznoix hawj vunzlai minzcuz vunznoix, doenggvaq senhconz, hawj daengx biengz lai roxyiuj 《Diuzlaeh》 caeuq gij cwngcwz minzcuz vunznoix.

Giethab cauhlaeb minzcuz doxgiet cinbu. Yungh cin(gaihaw) guh danvih, caz gak mbanj minzcuz gvanhaeh caeuq gvaq ndwenngoenz guhhong miz maz hojnanz, gaenxmaenx banhleix gij hongsaeh minzcuz hawj gyoengqde, gij cengnauh ngaekngeu nangqdaengz minzcuz yinhsu, yiemzgek ciuq faplwd gvidingh cawqleix, cietsaed baujcang gij gienzik habfap vunzlai minzcuz vunznoix.(Suh Yinh)