Baez daengz mboengq gvaqcieng, ranzranz cungj nyaengq guh manzdouz. Moix bi ranz gou cungj caj gou cuengq hanzgyaj le cij doengzdoih guh manzdouz. Caj haujlai nanz le cungj daengz seiz cuengq hanzggyaj lo, daxgoeng couh dingh singgeizroek guh manzdouz. Ngoenz singgeizroek banhaet daxgoeng romhromh couh hwnqdaeuj guh manzdouz lo. Gou raen daxgoeng coq mbameg caeuq raemx coq giz ndeu, caiq gya yaumuj (doenghyiengh sawj mba fatbongz) caeuq raemx- ndwqlaeuj, couh gaenx baenz ndaekmba hung ndeu. Liuxle dawz ndaekmba coq bangxhenz hawj de gag fatbongz. Gvaq song aen cung le, daxgoeng aeu fwngz mbaet ndaekmba fatbongz ndei haenx baenz haujlai ndaekmba iq. Daengzlaeng, dou aeu fwngz naenx ndaekmba iq mbehai, coq huqsim liuxle suek hwnjdaeuj couh baenz lo.

Manzdouz ranz dou ndawde miz haujlai yiengh huqsim, miz raethom gyaux nohcing、rangzro gyaux nohcing、hwzdauz gyaux mbaduh……Doenghgij manz- douz suek ndei liux coq ndaw rae naengj ngeihcib faen cung, doenghgij manzdouz bongzbwd haungat haenx couh ok rae ndaej gwn lo.

Dou bouxboux cungj naj riu sim angq, daxgoeng riu baenz naj hoengzhwdhwd bae.

Ranz dou daj haet daengz haemh guh manzdouz, mbouj dingz mbouj duenh. Doxgoeng naetbaeg le heiq conhfofo bae. Gou cam daxgoeng：“Baeg baenzneix bae, vihmaz raeuz lij guh manzdouz ne?”Daxgoeng angqfaengfaeng naeuz：“Neix dwg ciuhgonq vunzlai cojcienz roengzdaeuj haujlai nanz lo, guh manzdouz cij suenq gvaqcieng bw.” (Cuh Gingjcinz)