●Geij bi neix daeuj, Yungzanh Yen Dunghgij Yangh sonyinx vunzlai gungzhoj ndaem gensiz. Doenggvaq gij vunqsik “gunghswh+dieggoek+hozcozse+ranzgungzhoj”, gunghswh baujgyaq sou- cawx, hozcozse fucwz son ranzgungzhoj dinfwngz, suh- gi daih’it capyouq mbanj caeuq vunz doih guhhong doenggvaq muengxdoxlienz doigvangq、siugai. Gaijgez gij vwndiz vunzlai gungzhoj mbouj miz dinfwngz caeuq nanz gai, guhbaenz diuzroen hwngfat canjnieb vut gungz hab dangdieg.

(Danz Gaijhingh)

●Geij bi neix daeuj, Lungzswng Gak Cuz Swciyen Byauzlij Cin baengh gijndei swhyenz dangdieg, ciuq dieg bae guh, guh ok “mbanj ndeu yiengh ndeu”, gaenx- maenx doicaenh nungzyez cienjhingz swnggaep, ndaem makmizhouzdauz ndaw nding、maklozhangoj、mak- gam daengj, saedyienh yungh canjnieb coi vut gungz, bangrengz saenqhwng lajmbanj.

(Vuz Cencen)

●Mboengqneix, aen vanjvei yienjheiq ciengz nduj citheiq bae mbanj yienj Denhngoz Yenveij Senh- conzbu cawjbanh haenx hainduj. Vanjvei cezmuz neiyungz fungfouq lai yiengh, miz mozsuz、bajheiq、siujbinj、diuqfoux、doiq fwen daengj, yienjok ndeiyawj ndaej daengz gyoengq boux- yawj dopfwngz haenh.

(Banh Suhungz)

●Dunghlanz Yen genhciz aeu canjnieb bang- gungz dangguh gij gungh- cwngz hawj vunzlai gungzhoj gyalai “cauh lwed”, baengh gijndei swyenz swhyenz, haenqrengz hwngfat gij canjnieb banggungz saek- loeg, haenqrengz dajcauh “mbanj ndeu yiengh ndeu”“yangh ndeu nieb ndeu” daegsaek canjnieb baenz- doengh, baujmaenh ciengz ciengq vut gungz gunggeng ndaejhingz.

(Cinz Gau)