Ndwen 8 ngoenz 10 hainduj, bouxgaujseng bauqmingz caemhcaiq bae gauj bi 2019 Sawcuengh Vah- cuengh suijbingz gaujsi ndaej doeng- gvaq hwnj aen hidungj bauqmingz Sawcuengh Vahcuengh suijbingz gaujsi roxnaeuz dwk dienhvah Swcigih Minzcunghveij Minzcuz Yijvwnzcu caz cingzcik ndaej.

Ciuq gyoepsuenq, bi 2019 soqvunz caencingq bae gauj bi 2019 Sawcuengh Vahcuengh suijbingz gaujsi dwg 464 vunz, dwg binaengz bae camgya gaujsi vunz ceiq lai. Ndawde gaujseng camgya cogaep gaujsi 163 vunz, habgek 89 vunz, habgek cingzsoq dwg 54.6%, 80 faen doxhwnj 24 vunz; gaujseng camgya cunggaep gaujsi 232 vunz, habgek 89 vunz, habgek cingzsoq dwg 38.36%, 80 faen doxhwnj 14 vunz, gaujseng camgya gaugaep gaujsi 69 vunz, habgek 31 vunz habgek cingzsoq dwg 44.93%, 80 faen doxhwnj 7 vunz.

Bi 2018, Sawcuengh Vahcuengh suijbingz gaujsi cawjguenj bouhmonz cujciz lauxhangz gyauyuz cwzbingz Swcigih Gyauyuzdingh、Gvangjsih Cauhswngh Gaujsiyen, faensik、bingz- guj caeuq saemjdingh mbawgienj bi 2016-2017 Sawcuengh Vahcuengh suijbingz gaujsi co、cung、gau 3 aen daengjgaep, caemhcaiq ciuq faensik gezgoj diuzcingj gaujsi fuengyiengq okdaez. Bineix, laebdaeb cujciz aen doih lauxhangz gyauyuz cwzbingz, faensik、bingzguj gij caetliengh mbaw- gienj、cingzcik gaujseng、daegdiemj gaujseng daengj bi 2018 Sawcuengh Vahcuengh suijbingz gaujsi co、cung、gau 3 aen daengjgaep, guhbaenz gij baugau faensik caetliengh bi 2018 Sawcuengh Vahcuengh suijbingz gauj- si, ciuq faensik gezgoj diuzcingj bineix gaujsi gaujdiemj dijhi, hawj daezmoeg engq miz cimdoiq、naengzliengh ndei engq doh, dazyinx engq yienhda. Bineix, soqvunz gaujseng habgek cingzsoq、 faen bingzyaenz cogaep caeuq 80 faen doxhwnj laebdaeb baujmaenh gij suijbingz ndei bi’gvaq, soqvunz habgek cingzsoq gaugaep caeuq 80 faen doxhwnj sang gvaq binaengz.

(Cangh Haijyingh Moz Liujgvei)