Ndwen 8 ngoenz 10, Yungzsuij Myauzcuz Swciyen suen makit miz daegsaek hai suen mbaetsou angqcoux bouxhek daeuj, baenz roix baenz roix makit ronghcingcing, cienz ok raq dem raq heiqhom, yinx ndaej haujlai bouxhek haeuj suen mbaet、cimz、yawjngonz, roxnyinh gij angqyangz fungsou, yiengjsouh gij gyaeu doenghnaz.

Bi 2017 codaeuz, aen yienh neix aen suen daih’it 50 lai moux makit mbawluenz sawq ndaem baenz. Seizneix, dan loh neix, gujsuenq bi moux baenz makit daih’iek 2500 gaen, moux souhaeuj 2 fanh lai maenz. Aenvih cungj makit neix dingj ndaej nonhaih, mbouj yungh ywgajnon, ndaej dwk bwnh doh, couh ndaej baenz lai, caemhcaiq miz dingj ndaej nit、dingj ndaej bingh、mak baenz saed caeuq naih yo naih daehyinh、hom van、feih ndei baenz gwn daengj daegdiemj, ndaej bouxhek gyaezmaij.

(Lungz Linzci/龙林智)