Mboengqneix, bouxraiz bae daengz suen makit Duh’anh Yauzcuz Swciyen Yaau Cin Lungzba Cunh Mbanjlungzleij ranzgungzhoj Mungz Gaiminj, “Siengj mbouj daengz, vunzguhnaz aeu makit ndanggaeuq ndaem haenx daeuj guh laeuj makit, vunz ndaw singz hix gyaezmaij.”Mungz Gaiminj gvanbaz ceij suen makit naeuz.

Aen yienh neix Yaau Cin Lungzba Cunh Mbanjlungzleij dwg diegbya dieg rin okhingz, najdieg 1735.5 moux, ndawde najdieg rinsa miz daengz 1602 moux. Aen yienh neix cujciz boux- ginghgi lajmbanj、ranz dajndaem lai、ciennieb hozcozse daengj guh biucinjvaq swnghcanj, doenggvaq caizcwng ciengj bouj、bangfuz ngaenzcienz daengj fuengsik gujli、haeujcoengh nungzhoh haenqrengz diuzcingj dajndaem daj- ciengx gezgou hwngfat canjnieb, cauh- laeb gij vunqsik “cwngfuj cujdauj+bangfuz ngaenzcienz+hozcozse+ranz- gungzhoj”, haenqrengz ndaem makitbwn daengj canjnieb, saedyienh le hwngfat canjnieb、ceihleix dieg byarin、ranz- gungzhoj miz souhaeuj daengj yaugoj.

Vihliux hwngfat makit canjnieb ndei, aen yienh neix haenqrengz doicaenh hwnjguh dieg guhyiengh haed- sim nungzyez miz daegsaek daihneix makit canjnieb, aen dieggoek guhyiengh canjnieb banggungz makitbwn Duh’anh Yaau Lungzleij, aeu ndaem makitbwn、gyagoeng caeuq vwnzva laeuj makit、vwnzva minzsuz ndeindiq doxyungz. Ciuq cam rox, aen dieggoek neix bineix 350 moux makitbwn gaenq baenz lo, bi 2018 sou ndaej makit ndip 20 fanh gaen, dij 50 fanh maenz, leihyinh 35 fanh maenz, gungh daiqdoengh ranzgungzhoj 31 ranz 152 vunz vut gungz baenz miz.

(Couh Vwnz/周雯)