●Geij bi neix daeuj, Nanzdanh Yen gaenxmaenx doidoengh lajmbanj it ngeih sam canjnieb doxyungz hwngfat, hopheux gij ndei daegsaek nungzyez, haenq- rengz haifat nungzyez youqndwi caeuq lajmbanj lijyouz binjbaiz. Doenggvaq banh ciet va’ngaeux， cauhmoq guh senhconz, dwk ok “ciet va’ngaeux”Bahbingz binjbaiz, vih daengx yienh nungzyez youqndwi caeuq lajmbanj lijyouz hwngfat hoenghhwd gyahaeuj rengzhoengh moq.

(Mwz Yenmeiz)

●Bineix doxdaeuj, Vanzgyangh Mauznanzcuz Swciyen guh ndei seizcin dajndaem, vih ranz daj- ndaem lai gunghawj ceh- faen haeuxnaz ndei mbouj aeu cienz, doengzseiz gya- giengz son dinfwngz daj- ndaem, saedyienh haeux- gwn sou ndaej lai. Daengx yienh ndaem gohaeux naj- dieg 32.75 fanh moux, ndawde, haeuxnaz ndei najdieg 16.81 fanh moux, gujsuenq baenz 8.22 fanh dun.

(Veiz Yencunh)

●Geij bi neix daeuj, Lungzcouh Yen Yadung Cin Fuzlunz Cunh youq mwh vut gungz gunggeng daiqlingx vunzlai laebdin saedsaeh, cauhmoq loh- naemj, haenqrengz gaij- bienq gij vunqsik guenjguh conzdungj, gaenxmaenx doenggvaq hwngfat daj- ciengx vaiz, yungh gij vunqsik“nungzhoh+hoz- cozse” guenjguh nungzyez, daiqdoengh vunzlai vut gungz baenz miz.

(Luz Ciuhyingh)

●Geij bi neix daeuj, Lungzswng Gak Cuz Sw- ciyen genhciz yungh haw- ciengz guh dazyiengq, son- yinx vunzlai ciuq dieg bae ndaem makleiz、makloz- hangoj、youzcaz daengj “mbanj ndeu yiengh ndeu” daegsaek canjnieb, bang- rengz vunzlai dangdieg laisou baenz miz. Seizneix, makleiz aen yienh neix laebdaeb baenz lo, gyoengq vunz nyaengq sou、yinh、senj mak bae gai.

(Banh Cisiengz)