Mboengqneix, Dava Yauzcuz Swciyen ciengz nduj comz yienjheiq “haemh Dazhouj·cingz Bunuj” youq aen cin iq Dazhouj aen yienh neix yienj. Comzyienj cezmuz neiyungz fungfouq, hingzsik lai yiengh. Cawz miz gofoux Yauzcuz 《Aeu Bawxmoq》《Cuengh Swix Yauz Gvaz》《Fungcingz Bunuj Ceiq Angj》 le, feihyiz cezmuz 《Foux Aennyenz》《Riu Laeuj》《Len- dangz》 daengj hix youq yienhciengz yienj, hawj bouxhek haeuj gyawj roxnyinh gij fungcingz mbouj doengz feihyiz vwnzva.

Ciuq cam rox, vih caenh’itbouh fungfouq gij hozdung lijyouz vwnzva aen cin iq Dazhouj, coicaenh minzcuz doxgiet, saenqhwng gij cingsaenz minzcuz, doidoengh gizdieg vwnzva lijyouz ginghci canjnieb yungzhab, Dava Yenveij、Yen Cwngfuj gietdingh daj bi 2019 ndwen 7 daengz ndwen 12 youq aen gvangjcangz gijgwn ndei cin iq Dazhouj comz yienjheiq. Comzyienj hozdung cujyau dwg langhbaij fung- cingz Bunujyauz Dava, ciuq “aen singhgiz aen cawjdaez” cujciz guh, baujmaenh “couhcouh yienj ndeiyawj, ndwenndwen miz heiq hoengh”, yienj heiq ndei、guh gijgwn ndei hawj gyoengq vunzlai、bouxhek, hawj gyoengq vunzlai ndaej daejniemh gij fungcingz Bunujyauz Dava.

(Vangz Hanz Vuz Vanlij/黄晗 吴万里)