Vamoiz Byacwx hai gvaq le roeg- ciqciep heuh raeuz ma,

Couh lumj cojgoeng raeuz gaen roeg ndaej raen naz,

Miuhciuvuengz Miuhlauxbuz bibi cungj miz beixnuengx ma ra,

Dahyangh caeuq Dahbyahom diuz- diuz ndaw dah cungj miz bya,

99 aen bieklwg couh miz beix- nuengx 99 nga,

Coenz beixnuengx ndei ndaej youq ndei gwn van daengx Dunghnanzya,

Sam nyied sam gou youq Byacwx caj mwngz ma,

Beixnuengx doxraen caiq doxgot angq dwk roengz raemxda,

Daeggued caeuq raeuz caez baiq Lauxbuz,

Vaihseng caemh ma yawj goengda,

Lwglan Luegvet bouxboux eueu fouxfoux caiq ndaek gyong ndaek laz,

Bouxlaux lwgnyez caez angqyangz bouxboux gyaeu lumj dujva.

(Gejgangj: Ciuhgeq youq dax- hongh Miuhciuvuengz ndaem miz go biekmeh ndeu dok ok 99 aen bieklwg, beixnuengx raeuz byawz yaek bae baih’wnq guh mbanj couh ciemz aen bieklwg daiq bae, youq gyawz youqdingh couh laeb aen Miuhlauxbuz ndeu, dawz aen bieklwg ndaem haeuj daxhongh Miuhlauxbuz moq bae, baenzneix doeklaeng raeuz couh miz 99 nga beixnuengx lo.)