●Geij bi neix daeuj, Cungzcoj Si Gyanghcouh Gih Sinhhoz Cin Bujvah Cunh Mbanjbujvah ciuq dieg bae guh, doenggvaq gij vunqsik“dangjcihbu+aen giyez lingx- daeuz+dieggoek canjnieb+nungzhoh”, riuzcienj diegnamh 1600 lai moux, dajcauh youz- langh、minzsuz daengj vwnzva lijyouz hanghmoeg, caemhcaiq cungfaen vatcimh gij dinfwngz guh dangznding、guh ceiz daengj, caenh’itbouh hawj dieg lijyouz bienq lai, gya’gvangq diuzroen vunzlai baenz miz.

(Dangz Cez)

●Ndwen 8 ngoenz 2, lauxhangz Vanzgyangh Mauz- nanzcuz Swciyen Suijgojgiz bae daengz Dacaiz Yangh Sanhhoz Cunh Mbanjbwzlanz son’gyauq ndaem mak, gungh miz 60 lai boux dangjyenz lajmbanj、ranzgungzhoj caeuqfaenh son- gyauq. Mwh hozdung, laux- hangz son vunzlai dinfwngz ndaem makgam、fuengz bingh nonhaih、dapboiq gij yingzyangj doenghgo daengj, caemhcaiq dangciengz guhyiengh daet nga, doengzseiz gangjgej vwndiz hawj vunzlai, son vunzlai hwngfat canjnieb laisou baenz miz.

(Veiz Yencunh)

●Geij bi neix daeuj, Hozciz Si Yizcouh Gih yungh hawciengz guh daujyang cauh gij vunqsik moq siufeiq bang- gungz, gaenxmaenx dungyenz yinx doenghgij aen giyez minz- yingz yungh canjnieb bang- gungz guh cawjgung fueng- yiengq, caeuq mbanj gungzhoj、ranzgungzhoj gapdoiq, giengz- vaq aen gihci hwnjguh aen cenhgenh banggungz caeuq doxgap banggungz, cauh’ok gij heiqfaenh ndawbiengz siufeiq banggungz naekna.

(Cinz Fanghswh)

●Ndwen 7 ngoenz 30, aen doih yienjheiq Laizbinh Si Hinghbinh Gih bae dieg cap- youq Vujgingj Laizbinh Si Cihdui Gihdung Cunghdui guh hozdung camnai yienjok. Aeu gij cezmuz lai cungj lai yiengh soengq bae daengz gingjyingz, caemhcaiq caeuq guen bing caemh daiz yienjheiq, caez gangj gij cingz bouxbing caeuq lwgminz.

(Hoz Yencuj)