Vih swnjcienz baujhoh vwnzva minzcuz vunznoix, hawj vunzlai minz- cuz vunznoix Guengjsae ndaej yawj denyingj vah minzcuz bonjfaenh, mboengqneix, Swcigih Minzcunghveij caeuq Aen Gunghswh Mizhanh Ciz- donz Denyingj Guengjsae ciemdingh le gij hezyi cuengqingj denyingj hoiz- guh vah minzcuz vunznoix Guengj- sae, vih hoizguh 《Sam Bienq Bya Bienq》 banj Vahcuengh Duh’anh Yauzcuz Swciyen、《Canlangz 2》 banj Vahcuengh Cingsih 2 bouh benq- gojgaeq denyingj vah minzcuz vunz- noix Guengjsae neix gunghawj bauj- cang.

Daj bi 2009 doxdaeuj, Guengjsae gungh miz 500 lai bouh denyingj daezcaiz gak loh hoizguh baenz banj vah minzcuz vunznoix, cuengqingj daj hainduj binaengz geij cien ciengzbaez daengz seizneix 2 fanh lai ciengzbaez, bouxyawj minzcuz vunznoix daengz 300 lai fanh vunzbaez. Aen danhvei hoizguh denyingj vah minzcuz vunz- noix Guengjsae seizneix miz aen cungsim hoizguh aen ndeu caeuq 8 aen danhvei boiqyaem. Ciuq swhliu rox, gij caetliengh hoizguh denyingj vah minzcuz vunznoix Guengjsae baiz youq baihnaj daengx guek 11 aen aen cungsim hoizguh denyingj vah minzcuz vunznoix, gonqlaeng miz benqgoj- gaeq 《Baksaek Gijyi》《Ciuh Yiluz》《Dagezcan》 daengj, benqgohgyau 《Faexbaudungz》《Yungh Nywj Ndaem Raet》 daengj 20 lai bouh denyingj ndaej benq hoizguh denyingj vah minzcuz vunznoix daengx guek ciengjdwngzlungz、ciengjcinmaj daengj ciengj youqgaenj.

Hong hoizguh denyingj vah minzcuz vunznoix Guengjsae vih vunzlai dieg minzcuz vunznoix yawj rox yawj ndei denyingj, doeksaed minzcuz cwngcwz dangj, fatyiengz vwnzva minzcuz, fungfouq gij ndwen- ngoenz vwnzva vunzlai dieg minzcuz, coicaenh minzcuz doxgiet、ginghci hwngfat, gungganq gij eiqsik Cunghvaz minzcuz caezcaemh daengj fueng- mienh, guh’ok gungyen hung.

(Cangh Haijyingh Lij Lizyungj)