●Ndwen 7 ngoenz 19, Lungzcouh Yen banh aen hozdung geiqniemh laebdangj 98 hopbi doxdax doegsaw gingdiemj saekhoengz. Hoz- dung muzdiz dwg sonyinx gyoengq dangjyenz mbouj lumz goeknduj, geiqmaenh sawj- mingh, gaenxmaenx guh daengz Lungzcouh gak loh gaijgwz caeuq hwnjguh ginghci bae, baujlouz cwngci bonjsaek, ceng guh dangjyenz senhfungh.

(Nungz Gihcunh)

●Ndwen 7 ngoenz 15(liggaeuq ndwenloeg cibsam) dwg cietfwen Bingzsiengz Si Yasiz Cin Banjyin Cunh Mbanjbanjyin bi gvaq baez haenx, Bingzsiengz Si Swhfaz- giz fatok gij guhhong ciznwngz senhconz fapceih, bae daengz aen mbanj neix guh aen hoz- dung senhconz fapceih cawj- daez “faplwd haeuj mbanj”, aeu faplwd cienz daengz laj- mbanj, cienz daengz vunzlai, daezsang vunzlai faplwd yisiz, hag rox yungh faplwd henhoh gij gienzik ndanggaeuq.

(Moz Ginz)

●Geij bi neix daeuj, Denhngoz Yen gaenxmaenx sonyinx vunzlai dangdieg ndaem makbakhom、makdauz- youz daengj, doengzseiz, giet- hab hawciengz aeuyungh, doihengz hwngfat gij vunqsik “dinghdan nungzyez”, sonyinx aen giyez lingxdaeuz caeuq nungzhoh ciemdingh “gungh- swh+gihdi+byauhcunjva+nungzhoh (ranzgungzhoj)” dinghdan, baujmaenh vunzlai souhaeuj, doidoengh daegsaek canjnieb hwngfat ndaej ndei.

(Banh Suhungz)

●Ndwen 7 ngoenz 18, Laizbinh Siveij Senhconzbu、Si Vwnzmingzban、Si Fulenz lienzhab guh aen hozdung angqhoh Cunghvaz Yinzminz Gunghozgoz laebbaenz 70 hopbi caeuq bi 2019 seizdaih moq vwnzmingz saedguh fwen cienzciengq gyahfungh ndei gyahyin ndei. Gyoengq cangh- fwen yungh fwen ndeidingq angqhoh Cunghvaz Yinzminz Gunghozgoz laebbaenz 70 hop- bi, sonyinx gyoengq siminz laeb caeuq hengzguh sevei cujyi hwzsinh gyacizgvanh, yungh fwen ciengqgok gyah- fungh ndei gyahyin ndei seiz- daih moq.

(Cangh Cauzgvangj)