Ndwen 7 ngoenz 17 daengz ngoenz 18, Gaiq Daihseiq Cung- guek-Dunghmungz Minzcuz Vwnzva Lundanz youq Gveilinz Si banh. Ca mbouj geijlai 150 boux lauxhangz、bouxhek daj Cungguek、 Genjbujcai、Laujvoh、Majlaizsihya、Menjden、Daigoz、Feihlizbinh、Yeznanz、Yinniz、Vwnzlaiz、Yindu、Yizbwnj daengj guek daeuj haenx caeuqfaenh aen hoih neix.

Lundanz cujciz gyoengq laux- hangz Cungguek caeuq lauxhangz rog guek hopheux gij saeh “rangh ndeu loh ndeu” minzcuz vwnzva doxgyau caeuq caezyiengj、vwnzva lijyouz caeuq saek- heu hwngfat、minzcuz vwnzva lijyouz caeuq hawsingz hwngfat guh doxyaeng, caemhcaiq doenggvaq le 《Gveilinz Yungzhuz Senhyenz》.

Lundanz daezswng roxyiuj “rangh ndeu loh ndeu” minzcuz vwnzva doxgyau caeuq caezyiengj、vwnzva lijyouz caeuq saekheu hwngfat、minz- cuz vwnzva lijyouz caeuq hawsingz hwngfat daengj vwndiz, bangcoh coicaenh Cungguek-Dunghmungz minzcuz vwnzva gizdieg doxgap caeuq doengzcaez hwngfat.

Gaiq lundanz neix youz Gvangjsih Bouxcuengh Swcigih Sevei Gohyozgai Lenzhozvei、Gveilinz Si Yinzminz Cwngfuj、Gvangjsih Minzcuz Dayoz、Aen Cungsim Doxgyau Vwnzva Gozci Gvangjsih lienzhab cawjbanh, youz Cunghgung Gveilinz Siveij Senh- conzbu、Gveilinz Si Sevei Gohyozgai Lenzhozvei ciepbanh, youz Gveilinz Lijyouz Yozyen、Aen Cungsim Yenzgiu Minzcuz Gvangjsih Minzcuz Dayoz、Aen Yenzgiusoj Cuenghhag Dunghag Cunghyangh Minzcuz Dayoz bangbanh.

(Vangz Swhcang/王滋创)