Vih angqhoh Cungguek Gungcanjdangj laebdangj 98 hopbi, haenh gij ginglig rongh- lwenq dangj, gyalai gij rengz- gietcomz, byaujcangh senhcin, fatyiengz heiqcingq, ndwen 7 ngoenz 1 banhaemh, Gungh- cwngz Yauzcuz Swciyen youq yinzminz veidangz ndaw yienh banh aen yizsi angqhoh laeb- dangj 98 hopbi daengj hozdung caeuq comz yienjheiq.

Youq mwh yienjheiq, daengx ciengz yienjok yungh gofoux 《Yauzcuz Angq Ciengq》 guh heiq haidaiz, biujyienj gofoux ndeiyawj hawj bouxyawj yienhciengz gvaq yinx raixcaix. Riengzlaeng, go caezciengq 《Guekgya》《Vunz Cungguek》《Nyez Rauh Lungz Cungguek》langhbaij le gij cingsaenz ndei guekcoj daengzcog caeuq ndiepgyaez guekcoj; doeg sei 《Mbouj Lumz Goeknduj·Ciengxlwenx Gaen Dangj Byaij》 bouxyienj cingsaenz gvaekgvaek, ndaej hawj bouxyawj dopfwngz haenh; siujbinj 《Ngoenzseng》 hawj vunz raemxda doek doengzseiz hix hawj vunz ngeixnaemj、coi vunz haenqguh baenaj.

Daengx ciengz yienjok cawjdaez mingzbeg、ndeiyawj dangqmaz, danqhaenh le gij ginglig ronghlwenq caeuq cingzcik lailai Cungguek Gungcanjdangj 98 bi, hawj gyoengq dangjyenz ginzcung youq mwh yawj heiq, gyalai roxyiuj dangj, doiq dangj lai miz cingz, yienh’ok dangjyenz caeuq ginzcung angqhoh laebdangj 98 hopbi caeuq hohfuk ngoenzcog guekcoj.

(Cwng Ciminj Cwngh Genminz/郑智敏 曾建民)