《Aen Diuzlaeh Hong Saw Vah Minzcuz Vunznoix Gvangjsih Boux- cuengh Swcigih》（lajneix genjdanh heuh 《Diuzlaeh》） hengzguh doxdaeuj, Namzningz Si yungh lai cungj banhfap hagsib senhconz 《Diuzlaeh》, cauh ok gij heiqfaenh senhconz saw vah minzcuz caeuq cwngcwz fapgvi saw vah minzcuz ndei, doicaenh saw vah minzcuz hwngfat baenaj.

Doidoengh daengx si mizgven siciz bouhmonz、yienh gih laebbaenz aen siujcuj lingjdauj guhhong gvan- cez doeksaed 《Diuzlaeh》. Nyinhcaen gvancez doeksaed hengzguh 《Diuz- laeh》, aeu hagsib senhconz 《Diuzlaeh》 dangguh loh yinvu youqgaenj, liedhaeuj ngoenznaengz yaengsaeh caeuq gij yaudenj hong bi 2019 bujfaz ciuqfap ceihleix, caemhcaiq dangguh gij neiyungz youqgaenj aen hozdung cauhlaeb minzcuz doxgiet daeuj guh.

Haiguh hozdung camdap miz- ciengj lai cungj lai yiengh. Lumjbaenz youq Namzningz Si Swhfazgiz veihsin bingzdaiz guh aen hozdung camdap cihsiz miz ciengj ciendaez 《Diuzlaeh》 guh 3 ngoenz, miz 13334 vunz caeuq- faenh hozdung. Lumjbaenz giethab Cungguek moq laebbaenz 70 hopbi、“ndwen senhconz minzcuz doxgiet cinbu” daengj ngoenzciet hung minzcuz caeuq “aen hozdung yienjheiq senhconz cwngcwz fapgvi saw vah minzcuz cunghgyau”“gaen gou hag Sawcuengh” daengj fat 《Diuzlaeh》 caeuq swhliu gejdoeg daengj 9000 lai faenh, yienhciengz guh hozdung camdap cihsiz miz ciengj, miz baenz fanh vunz caeuqfaenh, cauh ok gij heiqfaenh ndei hagsib yungh saw vah minzcuz vunznoix.

Banh aen hozdung Cungguek moq laebbaenz 70 hopbi caeuq “sam nyied sam Bouxcuengh” minzcuz doxgiet cawjdaez soucomz vah hohfuk, youq Gvangjsih Minzcuz Bau、Namzningz Yizbau、Namzningz Sinhvwnzvangj caeuq veihsin gunghcunghau daengj bingzdaiz guh hozdung soucomz、senhconz, hawj engq lai siminz roxyiuj faplwd fapgvi caeuq cwngcwz saw vah minzcuz、roxyiuj hong doihengz Sawcuengh caemhcaiq caeuqfaenh haeujbae.

(Veiz Yinjsenz Veiz Sezyenz)