Gou ciengzciengz naemjngeix, gij eiqngeih sengmingh dwg gijmaz?

Ngoenz haenx, gou youq laj roq- ranz daxdaiq, raen miz rongz roeg ndeu, gou soengz hwnj gwnz daengq bae yawj rongz roeg dwggyaez neix, moix baez roegmeh gamz noh dauqma gueng gyoengq roegiq, gyoengq roegiq cungj dwg aj bak hunghung bae, iet hoz raezrangh heuh caca, lumj dwg naeuz:“Daxmeh, gou iek lo, vaiqdi gueng gou, vaigdi gueng gou.”Roegmeh gueng le roegiq, cungj dwg yungh da sienhsoh dwk yawj gyoengq lwg de, lumj dwg gangj：“Menh di gwn, menh di gwn.”seizhaenx, gou fwt siengj daengz, yienzlaiz eiqngeih sengmingh couh- dwg——baujhoh caeuq ndiepgyaez.

Gou youq ndaw gunghyenz yawraen haujlai va, gyoengqde hoenghhwd, vava loegloeg, geq mbouj ndaej liux, уienghcеij fаnh ciеn, hоm hеiq rаngrwd. Gij vа yinx daeuj haujlai duzmbaj caeuq duzrwi, duzrwi youq gwnz dujva gaenx guhhong, duzmbaj youq gwnz dujva diuqfoux, yawj daengz gij cingzgingj neix, gou mbouj rox yungh gijmaz sawcih daeuj raiz. Sawq- mwh roxdaengz, eiqngeih sengmingh couhdwg—— hai ok gyaeundei.

Miz baez ndeu, gou buenx daxmeh bae genjcaz mizndang, guh genjcaz mizndang aeu haujlai mbaek, dang guh daengz mbaek heuhguh“B cauh”, gou fatyienh gwnz dennauj yienjok ndaek doxgaiq ndaemndet ndeu ringx bae ringx dauq, gou gig geizgvaiq dwk cam daxmeh:“Haenx dwg gijmaz doxgaiq ya?”“Dwg lwgnyez iq ya! Dwg daeg- nuengx mwngz roxnaeuz dahnuengx mwngz ya!” Daxmeh han dwk. Gou lumhlumh aen dungxhung daxmeh, aen dungxhung sawqmwh doengh mbat ndeu, gou gangj “Boux lwgnyez iq neix caen cabheiq ha!”. Daxmeh riu lo. Yienzlaiz eiqngeih sengmingh dwg ——gyau ciep.

Geizsaed, sengmingh couhdwg caizfouq, seiqgyaiq aenvih miz le sengmingh couh gyaeundei, hwng- hoengh. Sengmingh baezbae mbouj dauqma, lumj maxhau gvaqgeh, ndigah, raeuz aeu youq ndaw sengmingh mizhanh hwngfat gyaeu- ndei.

(Lauxsae son’gyauq: Mungz Cwngzgen/蒙成建)