Ndwen 6 ngoenz 21 banhaet, aen hozdung cunzyienj《Duzromh Iq Mbanjcuengh》 heiqmoegyou lwgnyez maenhndei swcigih bae daengz Vanzgyangh Mauznanzcuz Swciyen Daanh Yangh Cungsim Siujyoz, yienj ciengz heiq caensaed ndeiyawj ndeu hawj gyoengq lwgnyez yawj.

《Duzromh Iq Mbanjcuengh》 yungh gij yawjgak lwgnyez yienh’ok gij lizsij ronghlwenq Baksaek Gijyi, lwnhgangj le gij gojgaeq bouxcoz nyezrauh Veiz Siujsanh ndaej daengz boux- daiqdaeuz gwzming sonyinx byaij hwnj diuzroen gwzming, yienh’ok gij lizsij beigingj caeuq gij ginggvaq buekguh Baksaek Gijyi, dwg bouh heiqmoegyou lwgnyez maenhndei gingqlaex ciuhlaux gwzming、danqhaenh Cungguek moq ndeu.

Gwnz daizheiq, yiengh moegyou lengj、heiq ndeiyawj caeuq yienj ndaej mizyinx, yinx ndaej gyoengq lwgnyez caengz ndaej yawj gvaq heiqmoegyou bae yawj heiq, yienjok yienhciengz sing riu、sing dopfwngz raq dem raq. Doenggvaq hozdung, hawj gyoengq lwgnyez ciepsouh gyaezguek cujyi oenqnyumx, caez- yiengj gij cwngzgoj yisuz vwnzva minzcuz maenhndei.

(Veiz Yui Cinz Hungzboh/韦 睿 覃洪波)