Ndwen 6 ngoenz 22, Sanhgyangh Dungcuz Swciyen banh aen yizsi douhung hwnj loz Aen Cungsim Comz Sanq Bouxhek, yungh caij din venz、caeqbaiq hwnj loz、gveng dangz daengj conzdungj yizsi, langhbaij gij yinxdaeuz vwnzva laeuz giuz Mbanjdung, yinx ndaej haujlai bouxhek daeuj yawjngonz. Bineix, Sanhgyangh yungh aen seizgei ciepbanh Aen Hoihhung Hwngfat Lijyouz Canjnieb Gaiq Daihngeih Liujcouh Si, haenqrengz guh ndei lijyouz giekdaej sezsih, doidoengh gingjgih daezdangj swnggaep, roengzrengz guh ndei gingjgih youqgaenj, hawj Mbanjdung lijyouz engq gyaeundei.(Gungh Bujgangh/龚普康)