●Mboengqneix, Denh- ngoz Yen banh bi 2019 angqhoh Cungguek moq laeb- baenz 70 hopbi minzcuz dijyuz yindungvei. Gaiq minzcuz dijyuz yindungvei neix aen cawjdaez dwg “daengx bek- singq cangqheiq·saedyienh loq siujgangh”, gungh laeb miz heiqbaizgiuz doxdax、lanzgiuz doxdax、sam vunz haizgiegraez doxdax、dwkdomq doxdax daengj doxdax hanghmoeg caeuq fouxsaux、minzcuz vwnzva biujyienj hanghmoeg.

(Denz Siyenj)

●Geij bi neix daeuj, Lozcwngz Mulaujcuz Swciyen gaenxmaenx damqra diuzroen canjnieb banggungz, gaenj- ndaet gaemdawz aen seizgei hwngfat canjnieb gonengz- nuengx baihdoeng senj baih- sae, haenqrengz hengzguh cwngcwz leih beksingq, doenggvaq fat gonengznuengx hawj beksingq mbouj aeu cienz、 haiguh son’gyauq dinfwngz ndeiyungh ndaem gonengznuengx ciengx nonsei, sonyinx vunzlai daengx yienh daegbied dwg ranzgungzhoj laeb dangjan laeb gaj haenq- rengz hwngfat gij canjnieb nonsei, hawj vunzguhnaz dieg minzcuz vunznoix laisou baenz miz.

(Liu Gvanghfuz)

●Geij bi neix daeuj, Cingsih Si ciuq dieg bae guh, guh ndei canjnieb, haenqrengz doicaenh ndaem youzcaz, aen si neix seizneix gungh ndaem miz 2.92 fanh moux, bi gyaqgai dij 200 lai fanh maenz. Youzcaz canjnieb gaenq baenz gij canjnieb vunzguhnaz dang- dieg ciengzgeiz、onjdingh gyalai souhaeuj ndawde loh ndeu.

(Cau Giyungz)

●Mboengqneix， Bingz- goj Yen Swyenz Swhyenzgiz cujciz bouxgagnyienh bae daengz Sinh’anh Siujyoz guh aen hozdung senhconz fuengz- cai cihsiz haeuj hagdangz. Mwh hozdung, gyoengq boux- gagnyienh gangj rox loh deih- caet caihaih、soujduenh caeuq fuengfap daezfuengz、banhfap wngqgip ndoj caihaih daengj hawj gyoengq hagseng, caemh- caiq dangciengz fat ceksaw cihsiz fuengzceih deihcaet caihaih、swhliu caeuq guh dox camdap dem.

(Lij Ginhyungj)