●Ndwen 6 ngoenz 13, Swcigih Veiswngh Gen- ganghveij lienzhab Swcigih Gyanghbinh Yihyen aeu 2 fanh lai duz lwgbya mbouj aeu cienz fat hawj vunzlai Lungzswng Gak Cuz Sw- ciyen Lozgyangh Yangh Ginhbingz Cunh, caemhcaiq cingj lauxhangz dajciengx bae dangciengz son baenz- lawz ciengx bya haeuxnaz, bang vunzmbanj doenggvaq hwngfat gij canjnieb daj- ciengx ndaej gyalai souhaeuj.

(Banh Cisiengz)

●Ndwen 6 ngoenz 15, Yungzsuij Myauzcuz Sw- ciyen Yungzsuij Cin youq Yinzci Cunh haiguh aen yizsi fat gaeumaenz hangh- moeg “dieg gungzhoj maenzsawz daengj doenghgo moq dinfwngz moq cienjvaq baenz guhyiengh”, aeu gaeumaenz ndaem ndaej 200 lai moux haenx mbouj aeu cienz fat hawj 32 ranz ranzgungzhoj, hawj gyoengqde lai ndaem maenz, gyalai souhaeuj.

(Liu Swjyenh)

●Mboengqneix, Denz- yangz Yen Fulenz、Hungz- sizswvei、Veigengiz vih guh ndei hong hagseng ancienz, lienzhab cujciz canghson- gyauq, bae daengz Nazmanj Cin Luzmeij Siujyoz haiguh aen hozdung son’gyauq dinfwngz gouqhoh wngqgip, gangj fuengz doekraemx daengj gij cihsiz gouqhoh wngqgip hawj hagseng.

(Loz Gveihoz)

●Ndwen 6 ngoenz 14, aen hozdung langhbaij dungxcaiz saunenzgungh hagdangz lajmbanj gaiq nduj Denzdungh Yen youq Bingzmaj Cin Gyazfwngz Siujyoz banh, daengx yienh 11 aen doih saunenzgungh caeuqfaenh. Baez langhbaij dungxcaiz neix doenggvaq langhbaij gij hongfwngz、sawfap、dozveh miz daegsaek saunenzgungh hagdangz laj- mbanj caeuq langhbaij ciengqgo、diuqfoux、yienj- heiq daengj, soengqlaex hawj Cunghvaz Yinzminz Gunghozgoz laebbaenz 70 hopbi.

(Couh Meijgenh)