●Geij bi neix daeuj, Lozcwngz Mulaujcuz Sw- ciyen gaenxmaenx gya- gvangq diuzroen canjnieb banggungz, laebguh dieg- goek guhyiengh ciengx nonsei, yungh gij vunqsik guenjguh “gunghswh+dieg- goek+hozcozse+nungzhoh”, sonyinx gyoengq vunz goh- yoz ndaem gonengznuengx ciengx nonsei. Daengz ndwen 5 mued, aen yienh neix gyalai najdieg ndaem gonengznuengx 0.54 fanh moux, gaijcauh suen gonengznuengx maj mbaw noix 1 fanh moux, daengx yienh gonengznuengx naj- dieg 7.5 fanh moux.

(Mungz Cwnghswh)

●Ndwen 6 ngoenz 7 banhaet, Laizbinh Si Boz- vuzgvanj cujciz haiguh baenzroix cawjdaez hoz- dung —— “Fwngzriengj cienz hom” bohranz lwg- nyez guh daehhom、“man veh cien bi” baij veh doz Mancuengh caeuq “fwngz- riengj hag dajsiuq” fwngz siuq mbawdemh cenj daengj, yinx ndaej 200 lai vunz daeuj caeuqfaenh.

(Cangz Yiyen)

●Mboengqneix, Gvangjsih Higiyen Aen Doih Heiqcuengh cujciz bouxyienj bae daengz Denhdwngj Yen Cingez Cin Denhnanz Siujyoz, son- gyauq hagseng aen hag- dangz neix hag biujyienj Heiqcuengh 《Fwen Laengzroen》, hawj lwgnyez Mbanjcuengh roxnyinh gij yinxdaeuz yisuz daegbied gagmiz Heiqcuengh daih- neix, swnjcienz gij vwnzva conzdungj Bouxcuengh.

(Cinz Vwnzswng)

●Ndwen 6 ngoenz 9, Fuzsuih Yen Lungzdouz Yangh banh “ciet youz saenz” ngoenzciet conz- dungj miz daegsaek. “Ciet youz saenz” dwg gij fungsug daegbied gagmiz Lungzdouz Yangh, vunzlai doenggvaq foux lungz foux saeceij、roq gyong roq laz、 riuj daeng- va daengj minzsuz biuj- yienj, gouzmbaenj vunzding hoenghvuengh、haeuxgwn fungsou、daengx bi youq ndei.

(Cwngz Swjdenz)