Mboengqneix, gicej daj Swcigih Gyauyuzdingh roxyiuj, Guengjsae bineix yaek ciusou 145 boux siujyoz Cuengh Gun song vah saw lauxsae dinghyiengq son’gyauq swhfanswngh, doengh gij hagseng neix dinghyiengq youq Namzningz Si Vujmingz Gih daengj 21 aen yienh(si、gih) ciusou.

Ciuq cam rox, baez neix dingh- yiengq son’gyauq swhfanswngh dwg gauhcungh haidaeuz、conhgoh cwngzsw, ciusou ciennieb dwg 3 bi siujyoz gyauyuz ciennieb (Cuengh Gun song vah saw fuengyiengq). Youz Namzningz Swhfan Dayoz caeuq Guengjsae Minz- cuz Swhfan Yozyen son’gyauq. Boux hagseng hab diuzgienh lajneix ndaej bauqgauj: Bujdungh gauhcungh bizyez camgya bineix bujdungh gauhgauj、diegyouq hagseng dwg aen yienh(si、gih) dinghyiengq ciuseng; rox gangj Vahcuengh(baugvat rox gangj vahdeih- fueng Vahcuengh); gauhgauj cingzcik daengz faensoq sienq gauj ndaej gauhciz gauhconh Guengjsae.

Ciuq dajveh, doengh gij dingh- yiengq song vah saw swhfanswngh neix youq hagdangz hagsib geizgan cienz- hag、 cienzdozninz cungj mbouj aeu, caemhcaiq ciuq mizgven cwngcwz fat cienzgwndaenj bangbouj dem. Hagseng haeujhag doekgonq aeu ciemdingh《Mbawhezyi Dajveh Son’gyauq Dingh- yiengq Siujyoz Cuengh Gun Song Vah Saw Lauxsae Guengjsae》， bizyez le dinghyiengq faenboiq daengz bonj yienh(si、gih) Cuengh Gun song vah saw siujyoz roxnaeuz diemj sonhag son siujyoz Cuengh Gun song vah saw 8 bi doxhwnj. Ciengzsaeq hwnj muengx(http://jyt.gxzf.gov.cn/Item/21472.aspx) bae yawj.(Cau Dwzfeih)