“Banggungz cwngcwz cingzcik ndei, gyo’mbaiq dangj aen ceiq youqgaenj; boux- daeuz ndei aendangj aeu danqhaenh, cing- saenz cibgouj laeb goenglauz……”Mboengq- neix, youq ndaw Dwzbauj Yen Fanghsanh Vwnzdij Gunghyenz, aen yienh neix ngoenz fugsaeh bouxgagnyienh vwnzyi haiguh aen hozdung comzyienj vwnzyi cawjdaez vut gungz gunggeng “bae daengz ndaw beksingq” youq gizneix yienj, yienhciengz ndaej bouxyawj dopfwngz haenh.

Baez yienjheiq neix hopheux aen cawj- daez vut gungz gunggeng, yungh vaiqbanj Vahcuengh、diuqfoux Bouxcuengh、siujbinj daengj cezmuz ndeiyawj doxlwnz hwnj daiz yienj, mboujdan danqhaenh seizdaih moq, youh miz gij yinxdaeuz heiq Dwzbauj, ndaej daengz gyoengq vunzlai haengjgyaez.

Dwzbauj Yen Vwnzlenz naeuz, aen yienh neix daenghgeiq bouxgagnyienh vwnzyi miz 783 boux, youq bangrengz daengx yienh vut gungz gunggeng、saenqhwng lajmbanj、hoenghvuengh vwnzva caeuq hwngfat ndaw- biengz miz cozyung ndei.

(Veiz Haijlen/韦海练)