Baez hozdung doxlwnh yawjngonz baenzlawz guh Cuengh Gun sonhag daengx gih bi 2019 youz Swcigih Gyauyuzdingh Minzcuz Gyauyuzcu caeuq Minzcuz Gyauyuz Fanzcanj Cunghsinh cawjbanh, Vanzgyangh Mauznanzcuz Swciyen Gyauyuzgiz ciepbanh haenx, youq ndwen 5 ngoenz 30 daengz 31, youq Vanzgyangh Mauznanzcuz Swciyen haiguh.

Camgya baez hozdung neix miz Gvangjsih Minzcuz Dayoz dangjveij suhgi Ben Cwngzlinz caeuq 3 boux gyausou; Gvangjsih Bouxcuengh Sw- cigih Gyauyuzdingh Minzcuz Gyauyuzcu cucangj Cinz Yengenh caeuq 4 boux lauxhangz; Nanzningz Swhfan Dayoz 5 boux lauxhangz; miz Hozciz Si Yizcouh Gih、 Duh’anh Yauzcuz Swciyen、Dava Yauzcuz Swciyen、Bahmaj Yauzcuz Swciyen、Fungsanh Yen、Nanzningz Si Vujmingz Gih、Denhngoz Yen caeuq Vanzgyangh Mauznanzcuz Swciyen gungh 50 lai boux lauxsae.

Baez hozdung neix gungh anbaiz sam aen neiyungz. Ngoenz 30 banhaet bae Swh’wnh Cinghdanz Siujyoz dingq dangzgoq caeuq yawjhag Cinghdanz Siujyoz “Raemxsienh” ndawhag vwnzva gingniemh gaisau; banringzgvaq, youq ndaw diegyouq faencuj yaenglwnh dingqgo cingzgvang; ngoenz 31 youq diegyouq funghhaihoih hai hoih hoz- dung cungjgez.

Doenggvaq baez hozdung neix, daihgya gyalaeg roxnyinh guh hong Cuengh Gun sonhag gig youqgaenj, youq ndaw dingq dangzgoq bingz dangzgoq doxlwnh hag rox baenzlawz guh Cuengh Gun sonhag. (Mungz Ningz/蒙 宁)