●Ndwen 5 ngoenz 30 banhaemh, Denzyangz Yen Cwngzdungh Youwzyenz youq dalijdangz Aen Cung- sim Vwnzva Baeuqroxdoh ndaw yienh banh daiz vanjvei yienjheiq cienciengz hoh “roek it”， vanjvei cawj- daez dwg “sim lwgnyez angqyangz·cuengqmbin aen siengjmuengh”, gyoengq lwgnyez doxlwnz hwnj daiz yienjok angqyangz dangq- maz, yinx ndaej haujlai lwgnyez bouxlaux bae yawj.

(Vangz Gozsun)

●Ndwen 5 ngoenz 31, Lozcwngz Mulaujcuz Sw- ciyen Yenveij Senhconzbu bae daengz Gyauzsan Yangh Banjdonz Siujyoz haiguh aen hozdung “roek it” camnai, caeuq gyoengq lwgnyez caez gvaq ciet lwgnyez. Mwh hozdung, senhconzbu soengq habbitmaeg、dangzbingj、doxgaiq dijyuz yungh daengj doxgaiq hawj 68 boux hagseng aen hagdangz neix, caemhcaiq hohfuk gyoengq lwgnyez ngoenzciet angq- yangz.

(Vuz Siuhyiz)

●Mboengqneix, Denh- ngoz Yen Gohyoz Gisuz Hezvei bae Luzbaiz Cin Sojfaz Cunh hai aenhoih dangciengz son’gyauq din- fwngz dajndaem makbak- hom. Mwh son’gyauq, boux- son daj rox faenbied bingh- non raen lai makbakhom、banhfap fuengz binghnon、ngoenznaengz guenjleix daengj fuengmienh ciengz- saeq gangjgej dinfwngz fuengzceih binghnon hawj gyoengq boux dajndaem makbakhom.

(Yangz Yenmeiz)

●Mboengqneix, Vuj- gingj Gvangjsih Cungjdui bae daengz Vanzgyangh Mauznanzcuz Swciyen Daanh Yangh Ginhgyauz Vujgingj Hihvang Siujyoz guh aen yizsi giensoengq, soengq buhvaq hagdangz seizndat、seiznit 502 dauq、haiz 256 gouh、riep 100 aen daengj doxgaiq dij 12 fanh maenz hawj aen hagdangz neix, yungh neix gaijndei gij diuzgienh sonhag caeuq ndwenngoenz daengxcungq lauxsae hagseng.

(Veiz Yui)