Ndwen 5 ngoenz 28, aen ban son’gyauq Myauz Gun song cungj vah Liujcouh Si youz Liujcouh Si Minz- cunghveij cawjbanh, Yungzsuij Myauz- cuz Swciyen Minzcunghgiz ciepbanh haenx youq Yungzsuij Sanghlungzgouh Gingjgih Mung’vuh Mbanjmyauz hai- ban, aen ban neix guh 6 ngoenz, 40 lai boux vunzlai Myauzcuz Mung’vuh Mbanjmyauz caeuq mizgven boux- guhhong gingjgih gungh 78 boux caeuqfaenh baez son’gyauq neix.

Mung’vuh Mbanjmyauz dwg dieg guhyiengh “lijyouz+banggungz” Yungzsuij, seizneix gaenq miz 13 ranz 42 boux ranzgungzhoj laeb dangjan laeb gaj Ganjdung Yangh Ginjdung Cunh youq 100 lai goengleix gyae haenx buen haeujbae youq, cungj dwg beixnuengx Myauzcuz. Vih hawj ranz- gungzhoj haeujbae youq Mung’vuh Mbanjmyauz haenx rox yungh Vahbuj- dungh raeuzrwd caeuq bouxhek gangj- goj, doengzseiz mizgven bouxguhhong gingjgih goj aeu hag vah Myauzcuz, daezsang gij naengzlig doxdongx dox- gangj, minzcunghveij aen si neix banh le baez ban son’gyauq neix.

Gwnz hoih son’gyauq bouxdaeuz gak gaep iugouz bouxhag aeu insik aen seizgei hagsib neix, daezsang roxyiuj ngeixnaemj、nyinhcaen hag baenz gij giekdaej Vahmyauz Vahgun, dingh gij dajveh hagsib, cauh’ok gij heiqfaenh ndei hag Vahmyauz caeuq Vahbuj- dungh, gyalai gagrox caeuq gaenxmaenx gangj Vahbujdungh, dingjmaenh ndaw ban doxson doxhag dox giethab, dingj- maenh hag lienh Vahmyauz caeuq Vahgun caeuq gij aeuyungh guhhong saedsaeh dox giethab. Roengzrengz aeu Vahmyauz caeuq Vahbujdungh hag baenz, engq ndei caeuq gyoengq bouxhek doxdongx gangjgoj, bangrengz lijyouz hwngfat、saedyienh laisou vut gungz.

Ngoenz haenx, mizgven lauxhangz Swcigih Minzcunghveij hwnjdangz ciendaez son’gyauq. Hag 6 ngoenz neix, bouxhag lij aeu hag 《Diuzlaeh Hong Saw Vah Minzcuz Vunznoix Gvangjsih Bouxcuengh Swcigih》; 500 coenz Vahmyauz aenbaez yungh daengz; 《Fwen Coux Hek》《Fwen Gingq Laeuj》 Myauzcuz daengj dem.

(Veiz Yungzcunh Vangz Cwngz)