●Daj ndwen 5 ngoenz 25 hainduj, Cingsih Si youq ndaw singz Vanzgiuz Sangh- yez Cunghsinh Gvangj- cangz guh aen hozdung baij saw “homsaw Cingsih·beksingq doegsaw”, hozdung guh 16 ngoenz. Ciuq cam rox, baez hozdung neix baij ok buek saw ciuhgeq ciuhneix ndaw guek rog guek mizmingz、saw mizmingz ciuhvunz aeu doeg、saw lauxhangz doigawj hagseng majhung aeu doeg daengj saw cingqbanj.

(Cinz Hungzcangz)

●Ndwen 5 ngoenz 23, Gvangjsih gyaeundei·yisuz lai yiengh——Aen yizsi hainduj “ngoenz cienzdoh yisuz daengx beksingq 5·23” gaiq daihsam bi 2019 youq Laizbinh Si banh. Dangguh aen cawjhoihciengz gaiq hozdung neix, aen si neix yaek youq ndaw ndwen coglaeng hopheux aen cawj- daez “Gvangjsih gyaeundei·yisuz lai yiengh” guh baenz- dauq hozdung vwnzva leih beksingq, angqhoh Cungh- vaz Yinzminz Gunghozgoz laebbaenz 70 hopbi.

(Moz Yungjgenh)

●Mboengqneix, Ginh- siu Yauzcuz Swciyen Vwnzva’gvanj youq aen dingz cingzngeih ndaw singz banh hoihfwen ciet vwnzva lijyouz va’inj Byaswng- dangz bi 2019 “swnjcienz vwnzva fwen ciengqgok Ginhsiu huzndei”, cangh- fwen bonjdieg caemh daiz eu fwen, danqhaenh dangdieg vwnzva lijyouz yungzhab hwngfat daengj cingzcik moq.

(Vuz Ginhlenz)

●Ndwen 5 ngoenz 23, Dunghlanz Yen Aidung Cin cujciz fuzbinzban、swhfazsoj、veiswnghyen daengj mizgven bouhmonz banh aen hozdung ciep cunz “ngoenz bang- gungz”. Hozdung cujyau dwg gangjgej gaijguh ranzvaih、gyauyuz banggungz、haw- singz lajmbanj ceiq daemq saedceij baujcang daengj cwngcwz leih beksingq hawj vunzlai, caemhcaiq gejdap vunzlai camcaz.

(Veiz Aidauz)