Ndwen 5 ngoenz 23, Aen Duenz Daiqbiuj Vwnzva Fwenleuz Boux- cuengh Bingzgoj bae daengz Daigoz Nanzbangh Vangzgyah Dayoz caeuq- faenh aen hozdung doxgyau vwnzva minzsuz Cungguek Daigoz.

Aen yizsi haimuq hozdung doxgyau vwnzva minzsuz Cungguek Daigoz youq Daigoz Nanzbangh Vangz- gyah Dayoz banh. Bouxyenzgiuyenz Aen Yenzgiuvei Cuengh Dung Cungh- yangh Minzcuz Dayoz、 Bingzgoj Yen Yinzda nyuenz cujyin Nungz Minjgenh, gaisau gij cingzgvang Bingzgoj、Sawndip、fwenleuz Bingzgoj hawj lauxsae hagseng Daigoz Nanzbangh Vangzgyah Dayoz. Aen Duenz Yienj- heiq “Cehfeiz Ranzcuengh” Bingzgoj Yen Daihbet Cuhgiz Cunghyoz yienj Fwencuengh Cungguek lai diuh、langhbaij doiq fwen caeuq gij hozdung hawfwen hawj lauxsae hagseng Daigoz Nanzbangh Vangzgyah Dayoz yawj.

Baez neix aen duenz daiqbiuj vwnzva Fwenleuz Bouxcuengh bae Daigoz, dwg hengzguh gij iuheuh “rangh ndeu loh ndeu” Siz Ginbingz cungjsuhgi coh daengx seiqgyaiq gangj ok haenx, dwg aen guhfap youqgaenj vwnzva conzdungj minzcuz byaij ok douguek、byaij coh seiqgyaiq ndeu. Aen guhfap neix ndaej daengz baih Daigoz han’wngq gaenxmaenx, caemhcaiq guh le ciengzsaeq caepcawq, hawj hozdung ndaej swnhleih guh. Aen doih vwnzva 《Fwenleuz Bouxcuengh Bingzgoj》dangguh Cungguek guekgya gaep feihvuzciz vwnzva yizcanj mingzloeg、ceksaw bwzgoh yenzswnghdai ndaw- biengz Bouxcuengh、gij gingdiemj vwnzva fwen Bouxcuengh bae cunz Daigoz, yaek vih Gvangjsih caeuq Daigoz song dieg vwnzva doxgyau hwngfat gunghawj vwnzva neihanz cengjdingj engqgya maenhsaed. Doengzseiz mizleih doidoengh 《Fwen- leuz Bouxcuengh Bingzgoj》 yungh Sawdaigoz fanhoiz okdaeuj oksaw. Fwenleuz Bouxcuengh cawjdoengh byaij ok douguek, doxgyau vwnzva， cienzboq cingzngeih, youq aen daizheiq vwnzva seiqgyaiq doxgyau, hag’aeu gij ndei vwnzva guek wnq, bang cauhmoq vwnzva conzdungj Boux- cuengh, doiq swnjcienz caeuq baujhoh Fwenleuz Bouxcuengh miz yiyi youq- gaenj.(Banz Fuyauz/盘馥瑶)