Seizcin daengz lo, gou daeuj daengz ndaw gunghyenz, henz dah iq haenx daeggo faexliux caeuq gou vad fwngz, dahcej vadauz doq dawz gaiq gabbwn daiq coq gwnz gyaeuj, doq gag naeuz：“Gou gyaeu baenzneix, baenzlawz mbouj miz vunz caeuq gou doxbeij baez ndeu?”Gou haeuj ndaw gyoengq caz va bae, doengh duj va iq vava loegloeg haenx cingq doiq gou riunyumj, doengh go rum iq heuoiq haenx riengz rumz ngauz bae ngauz dauq. Gou daeuj daengz ndaw suenbyaek, doengh go byaekyouzcai henjgim haenx fatok heiq hom mbouj daengx, gou simmaez lumj laeujfeiz youq ndaw seiqgyaiq heiq hom dohdaengz neix.

Seizcin daengz lo, gou yaek lwnh daegnuengx duzgoep, mwngz gaenq mbouj yungh ninzdoeng lo, vaiq di okdaeuj ciengqgo ba! Gou yaek lwnh bohlungz faexhung, mwngz ndaej rieg gienh ndangdaenj moq saekheu haenx la! Gou hix yaek lwnh gyoengq doih iq dwggyaez, vaiq di duet ndangdaenj seizdoeng naekgwd, caeuq gou doengzcaez bae rogranz cuengq yiuhrumz ba!

Seizcin caen gyaeundei!

(Ouhyangz Yihingh)