Ndwen 5 ngoenz 8, aen yizsi soucomz cehfeiz Gaiq Daihcib’it Daengx Guek Saujsu Minzcuz Conzdungj Dijyuz Yindungvei youz Guekgya Minzveij、Guekgya Dijyuz Cungjgiz cawjbanh, Hoznanz Swngj Yinzminz Cwngfuj ciepbanh haenx youq Aen Daiz Yawj Ndaundeiq Hoznanz Swngj Dwnghfungh Si banh. Loz Sezyenh hagseng Mauznanzcuz caeuq Cau Ginhgaij hagseng Yauzcuz aen duenz habciengq lwgnyez “Bonghhamj Saidoengz” Daihngeih Siujyoz Vanz- gyangh Mauznanzcuz Swciyen caeuqfaenh dangciengz yienj habciengq.

Ciuq cam rox, daengx guek saujsu minzcuz conzdungj dijyuz yindungvei moix seiq bi banh gaiq ndeu, daengz seizneix gaenq banh cib gaiq gvaq, dwg gij saeh doxdax minzcuz conzdungj dijyuz guek raeuz mbaek ceiq sang、rengzyingjyangj ceiq hung, gaenq baenz aen hoihhoengh minzcuz vunzlai saujsu minzcuz guek raeuz langhbaij dijyuz vwnzva、gyalai cingzngeih doxgiet.

(Veiz Yui Danz Siujminj/韦 睿 谭小敏)